Shillong: Ka North Liberty Higher Secondary School, Jowai kan sdang ban pyntreikam noh da ka Online Learning na ka bynta ki khynnah naduh Nursery haduh ka class 10 ban plie lad ia ki khynnah jong kane ka skul bad ban yn ym pynlehnohei kai ia ka por ba kordor jong ki ha ka pule ka dangle ha kaba ka sorkar ka la pynjari da ka Curfew bad ka lockdown ha baroh kawei ka jylla ka ban nang bteng sa kumba 2 taiew ei ei kum ka jingpyrshang ban khanglad ia ka jingsaphriang jong u khniang jingpang u COVID-19.
Lyngba kane ka online Learning ka skul ka tyrwa ia ka e-book, Worksheet, solution to worksheet bad ki video ban iarap ia ki khynnah ban nang pyndep ia ka course lyngba kane ka platform bad kumba ngi la iohi ba baroh ki shlem ai jinghikai ki la khang lut naduh ba la sdang ka lockdown ha baroh kawei ka ri.
Haba iakren bad u Principal jong kane ka school u B. Richard Uriah u la pynshai ba ka buit sha lyndet jong kane ka jingpyrshang ka long ban pynthikna ba ki khynnah kin nym pynsyrwa ei ia ka por bakordor jong ki katba ka sorkar ka nang pyntreikam ia ka lockdown kaba haduh mynta ngim pat sngewthikna lano kine kiei kiei kin kut noh.
U Principal u la buh ruh ka jingkyntu ia ki kmie ki kpa jong ki khynnah ba kin sngewbha ban iai khmih ia ka website jong ka school kata http://www.nlhss.org/ khnang ba ki khynnah kin nym duh ei ia ki jinghikai jong ki lynnong.
Phi don ban ong eiei?