Shillong:Ka Deputy Commissioner ka East Khasi Hills ka Kong Rosette M Kurbah, mynhynnin ka sngi, ka la ong ba ka jingpyntrei kam da u Odd bad Even Number ia ki kali kamai, ka dei tang ka jingpyrshang bad lada ka biang, yn pyntrei kam pura bad lada kam biang, yn sa pyrkhat ban wad da kiwei ki lad.
Ka DC ka la pynmih ia ka hukum ban pyniaid ia u Odd bad Even Number ia ki kali kamai na Kashari, Khyndai bad Motph ran kum shi bynta ka jingpyrshang ban pynbeit ia ka jing pyniaid kali ban pyn duna ia ka jing sahkut.
Haba kren mynta ka sngi, ka Kong Rosette, ka la ong ba katkum ki video ba la lum, la iohi ba kitei ki jaka ki wanrah shibun ka jingsahkut kali ka dei namar ba ki kali kamai kila shu kyllain hajuh shi hajuh.
“Ngi la iakren bad ki seng nongniah taksi, ngin hap ban pyr shang, namar ba katkum ka video ba ngi la ioh, ngi la tohkit bha, haei ka sahkut, na kaei ka daw, bad la pynmih ia kane ka hu kum, katkum ka hu kum na ka Kashari”, ka la ong.
Ka la ong ba kane kam dei kaba dang thymmai hynrei ka la don mynshwa ruh ka jingpyrshang bad yn pyrshang biang mynta ka kynti, ha kano ka rukom kan ai jingiarap ia ka rukom pyniaid kali.
“Kane ka jingpyrshang ka dei kaba ju leh, bad ngi pyrshang biang mynta, bad lada ka biang, ngin bteng lada kam biang, ngin sa peit. Kane ka dei tang ka jingpyrshang jong ka bynta ba nyngkong. Khamtam hadien ba la ioh ia ka hukum ka kashari”, ka la ong.
Katkum ka jingong ka DC, la ring video ha ki jaka bapher bapher ka sor Shillong, la iohi ba dei na ki taksi kiba kyllain hajuh shi hajuh haba ki ap nongnong nongwan khamtam bym don ka jaka ban pynkiew bad pynhiar nongleit nongwan. “Ngi khlem khang ba kin iaid, la shu khang tang na Kashari sha Khyndai Lad bad Motphran. Donkam ban don ka jaka kiew bad jaka hiar, ym ban shu iaid tawiar bad ap ia ki nongleit nongwan khlem khih. Ynda la sdang ha ka sngi nyngkong, yn sa peit, mano ba kham wanrah ia ka jingsahkut, ki kali kamai ne kali shimet”, ka la ong.
Ka la ong ba kane ka dei tang ka jingpyrshang bad lada ka biang, yn pyntreikam ha baroh kawei ka sor Shillong.
1. ki taksi kamai ki long kiba khlem akor
shaba palat, kim ju don discipline, jaka
ban kyntiew pynhiar passenger kim ju don ki Tur sangeh kat haba lap bashem, tang su rah kti ki passenger ki ïuh brake beit hapdeng surok bad kah (obstruct) ïa kiwei pat ki kali khlem da ïaid sha side ban ailad ïa kiwei pat ban ïaid.
ka jing leh ka DC, ka long kaba dei ban ai jingsneng ïaki.
haka juh ka por ka DC ka dei ban khot training ïaki driver as to “what is civic sense”
dress code is of prime importance.
u driver kali kamai u dei ban riam donburom, ym ban phong tang ka banyan deng Google, kaba pyn long uncomfortable khamtam ki ladies passenger.
katto katne kii dribar khasi ki long kiba kren khor (rae deal) ïaki passenger
ki dei ban kylla na kane ka jinglong kyr-eit jong ki.