Ka North East Indigenous People Front (NEIPF) Youth Wing South Eastern Border Region, ka pyrshah jur ia ka jing thmu ban shna kharkhana thang dewiong

Shillong: Ka North East Indigenous People Front (NEIPF) Youth Wing South Eastern Border Region, East Jaiñtia Hills District, ka seng ka pyrshah jur ia ka jing thmu ban shna karkhana thang dewiong
Coke ha kane thaaiñ ka ba don hapoh ki saw tylli shnong ki shnong kum ka Diengsahtlang, Ladwapung Bad ka Umsatai Pynurkba.

Kat kum ka jing ioh tip ka seng, la ai mynjur da ki waheh shnong jong kane shnong ia kine ki karkhana sain dewiong khlem da wad jingtip bishar bniah ha shwa ban ai mynjur.

Kumta ka seng ka kyntu ia ki nong shong shnong bad ia u paitbah ban pyrshah jur ia kane karkhana sain dewiong, namar lada kane karkhana ka wan kan ktah ia kane ka thaiñ, namar ka karkhana kan pynmih da ka lyer tdem ka ba ktah ia ki shnong baroh kawei namar ki Coke ki wan tang ban pynjot ia kane thaiñ nangta kan pynmih ia ka lyer bih bad pum pum.