Shillong: Ka Nongthymmai ka la rah ia ka nam lahduh jong ka second division football League ka Shillong Sports Association (SSA) hadien ba ka la pynliem da 4-2 kol ia ka Umphyrnai lyngba ka tie breakar hadien ba iakhaid ha madan JN Stadium Polo ba long ha kane ka sngi Saitjain.
Ka jingiakhun ka long kaba iakhaid bad itynnad bha ha kaba baroh ar liang mamla ki la iakhun tyngeh hynrei kim shym la lah ban thep ia ka kol namjop ha ki 90 minit ka por ialehkai bad ka jingiakhun ka la kut da 2-2 kol ba la thep ha ka kylla miet.
Ia ki kol na ka Nongthymmai la thep da u P War ha ka minit kaba 62 bad u S Nongbsap ula thep ia ka kol ba-ar ha ka 75 minit.
Katba ka Umphyrnai ka la pynphai kylla ar kol lyngba u R Shadap ha ka 69 bad 80 minit jong ka kylla miet.
Haba ym don ba jop ki bor pyniaid ki la pynlong da ka tie breaker bad ka Nongthymmai ka la jop da 4-2 ia ka Umphyrnai.
Phi don ban ong eiei?