U Babu Kular Khongjirem u dei u nonghikai(Asst Teacher) jong ka KJP Girls’Hr.Sec.School Mawkhar,Shillong.U la long u nonghikai mynta la kumba 34 snem naduh ba u la join ha katei ka skul naduh u snem 1986.
U dei u nonghikai ha ka ktien khasi bad social science.U la pyndep ia ka BA(Hon)ha ka subject Khasi bad ruh ha ka Political Science.Ia ka B.Ed, pat u la pyndep ha u snem 1995 na PGT College,Shillong.U la iai neh kum u nonghikai ha katei ka skul haduh kine ki sngi.
Naduh ba la plie ia ka skul step (morning section) ha katei ka skul ha ka snem 2005,la pynkhamti ia u da ki bor pyniaid skul ba un Incharge ia katei ka skul step. Ha kane ka skul step,ki khynnah skul kiba wan pule ki dei ki khynnah ba duk bad ba rangli suda na sor bad nongkyndong ruh kumjuh ki bym ioh lad satia ne duh lad ban leit bteng biang ha ki skul sngi(day section) kumba ioh lad lem kiwei kiwei ki para khynnah ba kham ioh kham kot(well to do students).
Kiba bun na kiba wan pule ha kane ka Skul Step ki dei ruh ki khynnah kiba trei bylla bad sah ha iing briew,kiba ju trei ruh ha ki trai ing ha sor Shillong.Don ruh kiba la pep skul noh (drop out) hynrei ki wan bteng biang ia ka jing pule jongki haduh ban da pass SSLC na katei ka skul.Ki don ruh ki khynnah bylla kynta bad bylla sngi namar ki bsa hi da lade ia lade.
Kum kine ki khynnah na ki long ing BPL ne ki bym don kmie don kpa shuh na kata ka daw, kim kot bor shuh ban leit skul sngi hynrei ki bteng ia ka jingpule ha ka skul step ba ka dor jong ka bai skul ruh ka duna shibun. Kine ki khynnah ba duk(poor and un- derprivelaged students) hadien ba ki pass ia ka SSLC Examnination jongki, ki pyrshang pat ban ia ksaid ban ioh ki kam rit kam ria hangne hangtai ban lait na ka kam shong trei ha ing briew shi rta.Don napdeng jongki kiba la ioh ki kam nonghikai sha nongkyndong.
Don pat kiba hikai ha higher secondsry school bad college ruh.Don kiba trei ki kam rit kam ria ha hospital,ha office sorkar, don pat ynda ki la pyndep ia ka SSLC examination ki leit noh da ka training ne vocational school bad ki la sdang ban seng kam ne dukan lajong kum ki dukan suh jain bad thain jain,ki dukan beauty parlour,bad kum ki nongdie dukan ha kylleng ka sor shillong bad ha shnong jong ki.Kane ka la pynkylla dur bak ly bak ia ka jingim jongki bad ka kamai kajih lem bad ka ioh kam ioh jam(generate employment oppotunities,) jongki khlem poi pyrkhat tang na ka daw ba ki ioh lad ban bteng ia ka jingpule ha katei ka skul step.
Ka daw ba kongsan kaba don nadien bad jar jar jong ka jingjop bad kylla dur jong kine ki khynnah khun swet ba duk ba rangli ha ka jingim jongki kadei ka jingdon bad ka synniang(contribution) jong U Babu Kular Khongjirem uba ju long ym tang u nonghikai ia ki hynrei u nongsneng u nongkraw,u nongpyni bad ai mynsiem ia ki ba kim dei ban duh jingkyrmen ne pyndem ha ka jingduk bad jingjynjar jongki.U ju pynshlur ia ki khynnah ba ki dei ban jop ia kne ki jingeh ba kum ki briew ngi kynduh ha ka jingim ba man la ka sngi. Dei pynban lyngba kine ki jing eh kiba phrang ia la lawei ba phyrnai ha ka jingim u briew.Ka Institute of Advance Management,na Guwahati, hadien ba ki la wad bniah ia ki skul ha Shillong, ki la ioh ia ka recommendation na ki bor pyniaid jong katei ka skul halor kitei ki kam bah,bad ka jingshakri ba jar jar jong utei u nonghikai ban kyntiew bad pynkylla dur ia ki khynnah ba duk ba shem pap(under privelaged students),ka la rai bad ai jing mynjur syndon ban confer ‘Teachers’ Award’ ia ka kyrteng u Babu Kular Khongjirem mynta u snem 2020.Ha ka jingshisha,ka paw biej shibun ia ka sorkar Meghalaya jongngi ba kam pat ithuh(recognised) satia ia ka jingshakri jong kum kitei ki nonghikai skul kat haduh ba ki bor pyniaid skul kiba na sha bar(outside institute) jong ka state ki ithuh(recognised) pynban ia ki jingshakri ba jar ba jar jong utei u nonghikai.
Dang don bun ki nonghikai kiba trei shitom kylleng ka state la ha sor ne nongkyndong kiba dei hok (deserving teachers)shisha ban ioh award lada ka sorkar ka wad bad pynshitom hok shisha ban wad ia kum kita ki nonghikai ban ia kaba shu ai award ne thoh kyrteng tang na miej office jong ki officer sorkar.
Phi don ban ong eiei?