S.K.N
[ba bteng] “Ka dei ba phi ong..” La ong pat u Bah Shanbor “Nga kum u paralok, nga sngew ba phi don ha ka jingma, ka jingim ta ka daw ngam sngew nang thiah nang dem shuh. Mynta nga dang pyrkhat bad kito kiwei ban iasyllok kumno ngin lah ban iarap iaphi ban leh da kaba tyneh ia ka iing u Bah Let watla u dei u Rangbah Shnong” La bteng biang u Lok U Bah Shanbor hadien ba u sngap jar, katto katne por, u sa ong. “Khublei shibun eh iaphi ba phi sngewkhia lem ianga bad ka iing jong nga” “Ym dei tang manga wat kito kiwei ruh kiba kyrshan iaphi ngi sngew khia, tangba ngi dang shu sngap ngin ym ih iaphi ngi dang pyrkhat..” La phai ktien biang u Lok Katba ki dang iathuh khana blom blom kumne, ka Kmie u Wanbok ka wan mih hangta. “Ale, ngin ia bamja noh shuwa..” ka la wer. “Em phi nga te ngan leit noh…” La ong uta u Lok “Nga la khat te, ale kein bam lang bad ngi..” ka la iathuh Watla uta u Lok u pyrshang ban kyrngah khatduh u hab ban pynkohnguh bad ki sa ia bamja miet lang hangta khrui. “Bam katba ngi ioh synei.. ” la ong i Kmie u Wanbok “Nga lei ngam ioh kumne kum phi..” La jubab u Lok.
Hadien ba la dep bamja. Ki bteng biang ka jingiakren halor kata kajuh ka phang, tad haduh ban da mut ban mih nangta u Lok u iai ban “To ih phi ruh sa nang pyrkhat. Nga ruh ngan nang pyrkhat na ka bynta kita kiei kiei..” “To khublei, shibun eh Bah..” La ong u Bah Shanbor bad ka Lok. Hadien ba u Lok u la leit, ki shijur ki la ia khuslai mynsiem shaphang kaei kaba ki la iohsngew. Hynrei watla katta ruh, u Bah Shanbor kum u Kpa u la rai ban pyntreikam beit ia kaei kaba u la ioh jingmut na u riewsaid. “Wat khuslai Kmie, ngin leh beit kumba la ai jingmut u riewsaid, ngin peit kai sa ia kine..” La kren kob u Kpa “Hooid, nga sngewthuh ia kata, tangba ym da sngewtynnat shuh pat kein ha ka imlang sahlang” la bynrap ktien ka Kmie U Men Kpa u sngap shiphang bad u ong, “Ka dei hi kata ruh, tangba yn leh kumno…” U ong pat “Kpa nga shu kwah ban kylli tharai kan don nongrim hi, ban shu ai FIR lypa ia ki briew khlem ki sakhi satar ba biang..?” La pynpaw ka Kmie “Ki lok ki la pyn sngew kumto tharai kam lah biang…?” La buh jingkylli pat u Kpa “Ha nga te Kpa, nga sngew ba kam pat biang, namar kito ruh ki shu ioh sngew na kiwei..” La ban ktien ka Kmie U Kpa u la sdang ban pynleit jingmut ia ka jingkren ka men kmie. “Ka dei kata ruh… Kat haduh mynta ngim don sakhi ba shai .. Te ngin leh kumno Kmie” la pan jingmut sa u Kpa “Ngan ong kumno kein Kpa, mynta la miet palat to ngin sa ia kren pat, ngin pyrkhat shuwa ” la ai jingmut ka Kmie U Men Kpa haba u la sngap bha iaka jingai jingmut ka Kmie (Kong Lumspah) u sngewthuh ba ka long shisha ka ba dei.
Kumta u la ia mynjur ban thiah noh shuwa. “To Kmie ngin sa pyrkhat pat…” La pynbud ktien lem u men Kpa Ki la ia hun baroh ar ngut halor kata ban sa nang pyrkhat pat. Hadien kata ki sa ia thiah noh. Ka miet ka la kynoi ia ki bad ki la ioh thiah jak. Lehse namar ba la ban khia ka jingmutdur ia kiei kiei shaphang ki nongshun u Bah Shanbor kyndit u pyrta ‘rap, iarap..’ Watla u dang don ha jingthiah. Ka Men Kmie ka la kyndit haba ka ioh sngew, kumta ka la kylli.. “Balei, balei..? Ka pynkhih artat ia ka met “Em em ym lei lei nga shu phohsniew….” La jubab u Kpa. Ka bneng ka dang dum, hynrei ki shijur kim banse ban ia khie noh. Hangta u Men Kpa u la sdang ban iathuh. [yn dang bteng]
Phi don ban ong eiei?