Shillong:U President ka All India Trinamool Congress (AITC) ha Meghalaya uba dei u MLA na Nongthymmai, u Bah Charles Pyngrope u la ong ba ka National Education Policy (NEP), 2020 kan pyn jot ia ki samla ha ka pule puthi.
U la ong ba ha shwa ban pyntreikam ia ka NEP ha ka Jylla, dei ban da pyrkhat biang shwa bad katba ym pat lah ban pynbeit lane pyrkhat bha ka bha ba ynnai pat pyntreikam ia kane ka policy. U la ong ba ka Jylla ka don ia ka Education Commission, bad u don ka jingngeit ba ka Meghalaya ka don ia ki riew shemphang kiba lah ban ai jingmut kaba bha tam.
U Bah Charles uba dei u MLA na ka liang pyrshah ha Meghalaya u la ong ba ka NEP, 2020 kam long bad kane kan pynjot ia ka lawei ki samla ha ka pule puthi.
“Kane ka policy kaba la wanrah da ka Sorkar India ka lah ban ktah ia ka jingnang jingstad jong ki samla hadien habud, bad donkam ban pyrkhat bad kumjuh ka jingai jingmut na ki riew shemphang”, la ong u bah Charles.
haoid ka Shem jing eh bha ia ngi ba wan na ka long ing ka ba Duna khyndiat ban pule lyngba ka ne ka national education policy NEP namar ngi ia bylla sngi bad myn step ngi ia leit class ka lah Shem jingeh khyndiat ban ia siew bai class tang ka wei semester ruh da ki phew hajar sah ban siew lei duh 4 snem te lah ia dap ram bad nangta ngi lah jynjar shuhshuh ban ia beh ia ka bylla namar ka lah seng subject kham bun bad ka class ka lah wai slem