Shillong:U CEM ka KH ADC u Bah Titosstarwell Chyne, haba kren bad ki lad pathai khubor u la ong ba ka shnong Mukroh ka dang hab hapoh ka jylla Meghalaya.
U la ong ruh ba hadien ka jingleit jngoh ïa ka Mukroh la shem hi ba ka dang hab hapoh u pud u sam ka Meghalaya.
U la ong ba katba kine ki jing ïapynbeit pud ki dang ïaid um shym la khmihlynti ba ki jingkren jong u Myntri Rangbah ka jylla Assam u Himanta Biswa Sarma un kren ïa kum kitei ki jingkren ban ong ba ka Mukroh ka dang hab hapoh ka jylla Assam.
U la ong ruh ba u la khmihlynti ba kum kine ki jingkren kim dei ban mih khamtam ba mynta ka jingïakren pynbeit pud ka la ïaid ha kaba ka 1 phase ka la dep bad kaba sah mynta kadei ka 2 phase kumta kam donkam ban dang aiding ne pynkulmar jingmut, ne ban wanrah ïa ka jingeh ha ki liang ki 2 jylla.
U Bah Titosstarwell Chyne u la ong ba kane ka jingïakren ha ka sien kaba ar ha kaba ïadei bad ka jingpynbeit pud kan ïaid beit bad kan ym don kano kano ka jingkren kaba wanrah ïa ka jingma.
U la ong ruh ba kam da dei eh ka jingjemnud shah thombor hynrei kadei ka jingshah thombor ha kiwei pat ki liang bad kane ka jingshah thombor ka la ïai bteng na ka por sha ka por.
“Kaei kaba donkam mynta ka long ba na ka liang ka sorkar jylla, ki ADC kin ïeng lang tylli kum kawei ka bor ban ïada ïa ka jylla bad ïa u pud u sam,” ong u CEM KHADC.
shaei jah ka JHADC bad u CEM jong ka…imat u dangtien khop khop mo