“Ka mudui u bah Michael Syiem, pyrshah Jaitbynriew”

Shillong, 7 Risaw:
U Deputy CEM ka KHADC uba dei ruh u MDC na Mawlai konsti twensi u bah PT Sawkmie u la ther kylla halor ka PIL ba u bah Micheal Syiem u la ujor sha ka Meghalaya High Court ban pynduh pyn dam noh ia ki District Council kiba don ha kane ka jylla. U bah Sawkmie u la ong ba um shym poi pyrkhat ba utei u rangbah un wanrah da ka rukom pyrkhat ban phah pynduh pyndam pynban ia ka District Council kaba dei ma ka ban peit ia ki syiem, ki hima, ki elaka ki Raid, ki shnong ban nang pyn khlain shuh shuh ia ka rukom synshar khaddar u Khasi kumba long naduh kulong kumah.U la pynpaw ka jingsngew diaw ba ha kum kane ka por ba ka Jaitbynriew ka donkam ia ka jingiatylli ban ia khun ia kiba bun ki ishu hynrei u la ujor PIL pynban ban pynduh ia ka District Council, “Kaba sngewsih ba ka mih pynban ka PIL pyrshah ia ka Jaitbynriew” u la ong uba la ong ba katei ka PIL u bah Micheal ka pynduh jingkyrmen pynban ia ka District council.