Ka MUA-2 ka buaid bor, ban ialam sha jingma:MPF

Shillong, 20 Nailur:
Ka liang pyrshah ka Meghalaya People’s Forum (MPF) ka la jer ia kane ka sorkar MUA-2 kaba ialam da ka Congress kum ka sorkar kaba buaid bor ban ialam sha ka jingma.
Ha ka kyrwoh ba la pynlait, u nongaiktien ka MPF u Bah Paul Lyngdoh u la ong ba ka long kaba sngew lyngngoh ia ka rai jong ka MUA ban ym pyntreikam ia ka ILP bad ban ym khot iakren ia ki sengbhalang. “Kane ka pyni ia ka khlieh ehrang jong kane ka sorkar buaid bor kaban ialam sha ka jingmih kaba ma bha”, la ong u Bah Paul.
Ka MPF ka la pynlait ia kane hadien ba u Myntri Rangbah u Mukul Sangma u la pyneh ba ka sorkar kan ym pyntreikam ia ka Inner Line permit (ILP) ha ka jylla. U Myntri Rangbah u la ong ruh ba ka sorkar kan ym khot iakren katba ki sengbhalang kin pynlong ia ka jingiakhih.
U Mukul Sangma u la ong ba ka sorkar kan pyntreikam ia ka Tenancy Act ban tehlakam ia ka jingwan ki briew sha kane ka jylla ha jaka ka ILP.