Ka Mother Teresa Parish, ha Nongshyrngan

Shillong, 25 Iaiong:
Ka Shillong Archdiocese ka Balang Katholik hynnin ka sngi ka la seng ia ka Mother Teresa’s Parish ha shnong Nongshyrngan kaba don harum Pynursla ka East Khasi Hills District.
U Archbishop Rev. Dominic Jala u la aiti ia ka jingpyniaid ia kane ka Parish thymmai ha u Fr. Bajenstar Khongjee, uba pynlait noh ia ka kam kum u Assistant Parish Priest ka St. John’s Laban Parish, ba la sakhi lang da ki paid riewngeit Katholik na ki shnong bapher bapher ka thain Pynursla bad na Shillong. Kane ka Parish thymmai kan kynthup ia ki shnong kum ka Lympung Sniang, Rimasar, Lum Wahniai, Lympung Shyrngan, Nongkyndah, Riwai, Nongtyngur, Nongthymmai, Nohwet, Nongsohphan, Nongeitniang, Mawshun, Siatbakon, Madan Lyntad, Nongshyrngan, Pynter, Pongtung, Wah Jarem, Burma bad kiwei.
Haba kren ha kane ka sngi u Rev. Jala u la kyntu ia ki riewngeit ban long kum ka nuksa jong ka jingieid bad ka jingiatylli iwei ia iwei pat bad u la kyntu ia u Lyngdoh thymmai ban peit ia kane ka Parish u Fr. Khongjee ban aiti lut ban shakri ba kynja mynsiem bad ka bha ka miat jong ki para briew.
Kane ka Parish kan iai bteng ban treikam na ka phyllaw ka skul haduh ban pyndep ia ka jingshna ia ka iing lajong.