Ka Catriona Elisa Gray kaba na Philippines, ka la ioh ia ka pan sngiat jong ka Miss Universe 2018 ha ka jingiakob, ha Bangkok, ha kaba ki arngut ki nongiakob na South Africa bad na Venezuela, ki wan ba ar bad ba lai ha ka jingiakoh, katba ka Nehal Chudasama, kaba na India, kam shym la poi satia ha ka thup jong ki 20ngut kiba wan shakhmat.
La pynphong pan sngiat ia ka Gray, da ka Miss Universe 2017, ka Demi Leigh Nel-Peters, kaba dei na South Africa.
Ka jingkylli, kaba lehse ka dei kawei na kiba kit jingmut bha, ka long halor ka jubab jongka, ha kaba ka ong “Nga la trei shibun ki kam ha ki iing jot ha Manila, ba ki shong ki riew surok bad ka jingim ha kitei ki jaka, ka long kaba kordit bad kaba i synei shibun eh. Nga la ju hikai ban im ha ka jingim ban peit ia ka jing itynnad jong kaba kum katei ka jingim bad khamtam ia ki khynnah kiba don ha kitei ki iing jot rathai bad nga kwah ba kum ka Miss World ngan lah ban leh eiei, na ka bynta jong kitei ki riew shem lanot”.
Katei ka dei ka nongjop na ki 93ngut ki nongiakhun bad ka dei kaba ioh ia ka Master Certificate ha ka Music.
Ka Tamaryn Green na South Africa, ka dei ka first runner-up, katba ka Miss Venezeula Sthefany Guterrez, ka dei ka second runners up bad ka dang pule kum ka riewsaid ha katei ka Ri.