Shillong:Ka myntri ka tnad ka koit ka khiah ka kong Ampareen Lyngdoh ka la ong ba ka skhim MHIS ka ai jingiarap ia ka bai shah sumar ia ka jinglut haduh T.5 lak katba ka CM Care + ka dei ka skhim kaba ai jingiarap kham heh na ka bynta ki jingpang ba kham eh.
Ha ka CM Care + ka jingai jingiarap ia ka jinglut haduh T. 8 lak.
Haba kren mynta ka sngi, ka kong Ampareen ka la ong ba la pyntreikam ia kane ka skhim kan kynthup ruh ia ki longkmie ba kha khunlung kaba donkam ban peit ia i khunlung ba dang kha haduh 1000 sngi.
Kiban ioh jingmyntoi ia kane ka skhim ka donkam ban don Aadhaar Number bad ki bym don Aadhaar ka long kaba eh ban ioh jingmyntoi. Kumta, ka donkam ia ki briew ban leh Aadhaar.
Ka la ong ba ha kane ka skhim MHIS ka don ki kyrdan jingsiew ka sorkar katkum ki jait jingpang bad kiba thiah pang ruh kim dei ban sah ha ki kamra private.
Katkum ka jingong ka myntri, ki kyndon na ka bynta kine ki skhim, ka long kumjuh kam iapher eiei. “Khlem u Aadhaar number ka long kaba eh ban pynioh ia ka jingiarap na kane ka skhim”, ka la ong.
Ka la ong ba ka sorkar ka la phah ia ki briew ban leit sha man ki shnong ban pyndep ia ka jingdonkam ha kaba iadei bad kane ka kam.
Phi don ban ong eiei?