Ka Mela ki nongri mrad ha Amlarem

Jowai, 8 K’ Lyngkot:
Ka Ophis jong u District Animal Husbandary and Veterinary Officer mynta ka sngi ka la pynlong ia ka Mela ban pyni paidbah ia ki mrad ba ri ki paid nongrep ha ka thain Amlarem.
Ia katei ka mela la pynlong ha Jarain Community Hall, ha kaba u Director jong ka tnadu Dr. JS Jyrwa u la long u kongsan bad ka SDO, Amlarem Civil Sub-Division ka la long ka symbud kongsan.
U Dr. Jyrwa haba kren ha katei ka jingialang u la pynshlur ia ki paidbah ban ri ia ki jingri namar ka kam ri jingri ka iarap ban kyntiew ia ka ioh ka kot khamtam ha ka por ba jia ka kordit.
Ha katei ka sngi la sam ruh ia ki syrnod sha u Emlang Dkhar na Umladkhur, u  Ram Pohtam na Kudeng Rim bad Tiporman Tariang naTangbuli halor ka kam tbit jong ki ban ri ia ki jingri.
Ha katei ka mela la wan ban ia shim bynta da ki nongrep na kylleng ka Amlarem Block.