Ka map jong ka Meghalaya ka la nangrit, ong U MP

Shillong:Ka map jong ka jylla Meghalaya ka la nang rit kynnoh, u MP ka Congress u ma Vincent H Pala, hynrei ka long kaba donbok ba ka jylla Assam ka la ai katto katne ki bynta hynrei ki don pat ki jaka kiba la ai biang sha ka Assam.

U ma Pala, u la ong ba hangne ruh ki paidbah kiba don ha khappud kim hun bad ki ïakynduh ïa u ba ki kwah ban ujor sha Supreme Court, lada ki paidbah ha khappud kim hun balei la pyntian jubor ha ki?, kylli u MP ka Congress.
“Tang namar ban ïoh ïa kawei ka ïing kaba heh, kawei ka ïing basa phi hap ban ai ïa ki jaka paidbah, namar ka hab hapoh jong ka khyrnit kaba hynriew bad ki briew kiba im hapoh ki jaka jong ka khyrnit kaba hynriew ki don shibun ki jingmyntoi,” bynrap u ma Pala.

Kumba ka long, kane ka jingïakren pynbeit pud la shu sngap ïa kaei kaba ka sorkar Assam ka bthah, namar tang ba ki don ka jingïajan ba ki don ha ka sorkar hynrei na kane ka jingïapynbeit pud ka jingduh kaba khraw dei ïa ka jylla Meghalaya.

U ma Pala u la ong ba u dang pynkhreh ban ïarap ïa kito ki ban leit ban ujor ïa kane ka jingïa pynbeit pud sha Supreme Court bad haba ïadei bad ka Casino lada ka Cognress ka wan ha bor kan nym shah ban wan ka Casino, ha Meghalaya kin wan rah ïa ki polisi ban myntoi ki paidbah.