Shillong: Ka Futsal Association of Meghalaya, ka la wan shakhmat ban pynbna iar sha ki paidbah haba iadei bad ka jingthmu ka jong ka ba kan pynlong ia ka lympung ialehkai bol futsal ba la tip ia ka kum ka 3rd Open Futsal Tournament (Men’s and Women’s).
Mynta ka kynti, kane ka lympung la buh ban pynlong naduh ka 28 tarik u Risaw haduh ka 2 tarik u Naiwieng 2019 ha Indoor Sports Stadium, Laban.
Ka taik ban pdiang ia ki kynhun ban iashim bynta sha kane ka jingiakob kan sdang naduh lashai ka sngi ka 20 tarik Nailur 2019 bad ka jingpdiang ia ki kynhun iashim bynta ka long katba lah kloi ban wan shakhmat.
Ki kynhun ba iashim bynta ki donkam ba ki register ka long ba kim dei ban duna ia ka 10 ngut ne tam ia ka 12 ngut.
Mynta ka kynti ka lahduh kane ka lympung ialehkai kin ioh ba kin khung ia ka song pisa kaba long Rs. 50,000/- na ka bynta ki shynrang bad Rs. 25,000/- naka bynta ki kynthei.
Ia ki jingtip ba kham bniah lah ban phone ha u 8794737195/70859 21541 ne mail sha ka [email protected].
Phi don ban ong eiei?