Shillong: Ka Meghalaya Mixed Martial Arts Association (MMMAA) kan pynlong ia ka lumpung iakura-kynjat ne ka Shillong Cage Fighting Championship ha ka janmiet sngi Thohdieng ha Laban Sports Club.
Haba kren hynnin ka sngi, u president ka Seng u Isaiah Kharmawphlang u la ong ba kane ka lumpung kan dei ka sien ba nyngkong ha kaba ki nongiakhun kin ioh ia ka jingjied.
“Ki nongiakhun kin wan kylleng ki jaka jong ka ri kum na Mizoram, Manipur, Assam, Tripura, Delhi, Bangalore, Mumbai,” la ong u bah Isaiah.
Ha kane ka jingiakhun un wan iashim bynta u nongiakhun na Australia u Lachlan Conway pyrshah ia u Anthony Syiem.
Yn don 14-15 ngut ki nongiakhun na ka jylla bad baroh kin don 50 nongiakhun kynthup 8 ngut ki kynthei. Ki nongbishar kin wan na kylleng ki kylleng ki jylla.