‘Ka longing kaba rit dei kaba suk’ ong ka jingrakhe ia ka WPD

Shillong,11 Naitung:
Ia ka World Population Day kaba ka pyrthei baroh kawei ka rakhe mynta ka sngi ha kane ka jylla ruh kumjuh la rakhe ia kane ka sngi ha u Soso Tham Auditorium ha kaba ia kane ka jingrakhe la pynlong da ka Directorate of Health Services, Meghalaya ha kaba u Myntri ka koit ka khiah u Bah A.L Hek u la long u kongsan. Ka phanh pdeng jong katei ka jingrakhe ia kane ka sngi ka dei ka longing kaba rit ka dei ka long ing kaba suk.
Haba kren ha katei ka jingialang u Bah Hek u la ong ba ha ka jylla la rakhe ia kane ka sngi ka 11 tarik u Naitung manla u snem naduh u snem 1989, kum ka prokram bn pynshai sha ki paidbah ha ka rukom ka jingdonkam ka jingbun briew kum ka jingdonkam ka Family planning ne ka jingiohi jngai ia ka longing longsem, ban the la kam ia ka jingduk, ka jingkoit jingkhiah kaba biang bad kiwei ki jingdonkam.
U Bah Hek u la ong ruh ba la bthah ha kylleng ki district bad ki Block ban pynlong ia kane ka jingrakhe la kylleng ka jylla ryngkat ka jing pynsngewthuh ia ki paidbah ban pynneh ia ka jingbun briew kumba ka Ri ka long mynta ym ban pynkham kiew shuh. Ha katei ka jingrakhe kaba yn pynlong ha kylleng ka jylla ha kane ka taiew u Myntri u la ong ba yn hikai ruh ia ki kynthei ba ar met ban sumar ialade ba kin kha ia ki khun jong kid a kaba suk.
U Myntri ka koit ka khiah u la pyntip ba katkum ka khana samari jong u snem 2011 ka jingbun briew ha kane ka jylla jong ngi ka poi sha ka 29,64,007, bad ka kiew kumba 27.82% naduh u 2001 kaba long ka jingkiew kaba kham heh ban ia ka jingkiew ka jingbun briew ha ka Ri.
Kiwei pat kiba la ai jingkren ha katei ka sngi ki kynthup ia u Bah K. W. Marbaniang, Secretary Health and Family Welfare, Dr. A. Dkhar, Director Health Services, MCH&FW bad Dr. M. K. Marak, Director of Health Services, MI.