![](https://www.urupang.com/wp-content/uploads/2024/07/image-72.png)
Shillong:U MP ka Shillong u Dr. Ricky Andre J Syngkon u la ong ba ka la don ka jingsngew bakla na ka liang ka sorkar jylla halor ka jingmih khubor ba ka sorkar India ka la mang T.290 klur hadien ba ula kynduh ia u myntri ka tnad Road and Transport, u Nitin Gadkari dang shen.
“Ka jingsngewthuh bakla jong ka sorkar ia kaei kaba la mih ha kot khubor. Ka bym lah hi ban long, ban ai iwei I shithi ban ioh noh ia ka pisa, ka long biej ba ngan shim burom, bad kum ka party ruh. Hynrei ka sorkar ka la wanrah ia ka jingsngewthuh bakla bad ka long pat ha kawei ka liang ka jingkyrkhu ia u paidbah bad, u paidbah u dei ban buddien ba kan ym jah shi naia ruh bad ka jong u paidbah ka dei ban leit sha u paidbah”, la ong u MP ka Shillong u Dr. Ricky.
Haba kren ha kane ka sngi Saitjain, u Dr. Ricky u la ong ba ha ka por ba u leit ai ia ka shithi, ha ka 2 tarik ha u myntri ka tnad Road and Transport u Gadkari ula khot iakynduh ia u ha 3 tarik u ba u kwah ban iakynduh bad ha ka jingkren la sngewthuh ba ka don pisa kaba 200 klur tyngka kaba la mang ia ka surok (NH6) bad 90 klur tyngka kaba khlem pat mang hynrei la shu mynjur.
U la ong ba ka don ka jingsngewthuh bakla ka sorkar hadien ba ka la mih ha ka khubor halor kane namar ka bym lah hi ban long, ban ai iwei I shithi ban ioh noh ia ka pisa, ka long biej ban shim burom.
Kane ka surokbah NH6 ka la long ka mat kaba iakren jur bha ha rynsan social media namar ba ka sniew shaba palat kaba la pynsuhsat ia ka leit ka wan jong ki paidbah.
Ka T.290 klur ka la pynthnem ia ka jingiapyni nia hapdeng ki nongkyrshan ka party Voice of the People Party (VPP) bad ka NPP kaba ialam ia ka sorkar, ha kaba ka la don ruh ka jingpynshai ba ia kane ka surok la shim khia bad la mang naduh ba iakynduh u myntri rangbah ka jylla u Conrad K Sangma ha u bnai Jylliew ba la dep.
Phi don ban ong eiei?