Ka lok Adalat ha District Council

Shillong,
15 Rymphang:
Ka Kashari jong ka District Council Court, Khasi Hills, Shillong ryngkat jingiatreilang bad ka Meghalaya State Legal Services Authority, ka la pynbeit ban pynlong ia ka Lok Adalat ha ka jaka jong ka District Council Court, Garikhana Shillong ha ka 21 tarik mynta u bnai 2015 (sngi saitjain) ka ban sdang naduh ka por 10 baje mynstep.
Ka jingthmu ban pynlong ia kane ka Lok Adalat (Kashari paidbah) ka long na ka bynta ki Kashari jong ka District Council, Shillong ka long ban tyrwa pyniasuk ia ki mamla ban pynkut noh ia baroh ki jingiakajia da kaba shu iasuk mon sngewbha ha kane ka Kashari paidbah na ka bynta ka jingbha bad jingmyntoi jong ki hi, ong ka kyrwoh na Dr S Kharsyiemlieh, nongbishar ka District Council Court, Khasi Hills, Shillong.