Shillong, 19 Risaw:
U Lat ka jylla Meghalaya, U V Shanmu ganathan u la ong ba ka jinglehkmen Puja ka dei ban don lem ka jingpyr khat na ka bynta kito long kmie ba shah ieh bein ha ki longkpa
Haba kren ha ka jingialum jong baroh ki nongialam niam mynta ka sngi ba la khot da ka Central Puja Committee (CPC) ha Namghar Laban, Shillong, u Shan muganathan u la ong ha ka jingleit jngoh jongu sha Jaintia Hilld dang shen, u la iohi ia kawei ka longkmie ba die dohkha harud surok bad haba u kylli shaphang jongka, u la tip ba ka dei ba shah ieh lok bad ka la hap ban kamai da kaba die dohkha.
“Ngi dei ban rakhe ia ka Durga Puja da ka jingpyrkhat lem ia kito ki longkmie ba shah ieh lok. Ngi dei ban pynlong ia ka imlang sahlang kaba lait na kano baroh”, la ong u Lat ka jylla.“Haba phi mane ia ka Durga, sngewbha pyrkhat lem ia ki longkmie ba shah ieh”, la bynrap u Lat.Ha kane ka jingialum kynduh lang shwa ban rakhe ia ka Puja,la wan iashim bynta ki nongialam niam na ka kynhun Muslim, Khristan, Buddhist, Seng Khasi, Sikh bad kiwei de nalor ki myntri sorkar, ki nongialam seng sain pyrthei, ki MLA bad kiwei de.
Haba iaraoh ia ka jingpynlong ia kane ka jingialum lang ia baroh ki jait niam, u Lat ka jyllau la ong ba watla ka Durga Puja ka dei jong ki Hindu hynrei ka long kaba sngew burom ba baroh ki jait niam kila iadon lang khlem da niew na kano kano ka jingsngew.
“Kane ka dei ka jingiaburom na ka bynta baroh ki jait niam namar ba ka jingshisha ka don tang kawei ha ka pyrthei kum ka sngi, ka ding”, u la ong bad bynrap, baroh u bynriew u don kajuh ka mynsiem, ka mynsiem jong phi ka dei kajuh kum ka jong nga bad u Blei u dei tang Uwei”.
U la ong ba ka Durga Puja ka dei ban ai ia ka jinglong iatylli kaba wan naduh u dohnud.“To ngin iarakhe ia ka Durha Puja da ka jingkmen kaba shitrhem bad kaba jai jai”,la ong u Shanmuganathan.Ha kane ka sngi u Lat u la pynlait ruh ia ka kot kaba kyrteng ka ”Our Puja Approaches the Centenary & Diamon Jubilee of Namghar”.Shwa ia kane, u presidentka CPC u Naba Bhatteercharjee u laong ba ka jingiakynduh ialum lang ha kane ka sngi ka dei kaba la sdang naduh u snem 1993 da ka CPC kaba hapdeng ka jingiakynduh jingeh shibun kam shym la kynran dien.
Ha kane ka sngi la don ruh ka jingshad, ka jingrwai na ki riew ngeit Hindu.
Phi don ban ong eiei?