Shillong: Ka Shillong La jong FC kaba la ioh ban ia shim bynta ha ka Kalinga Super Cup 2024, kan sdang ia ka jingiakhun kaba nyngkong jong ka pyrshah bad ka Kerala Blasters FC ka ban iakhun mynta ka sngi naduh ka por 2 baje nohphai sngi ka ban ialeh ha Kalinga Stadium, Pitch I, Bhubaneshwar.
Ha kane ka lympung, ka Lajong ka don ha ka Group B ha ryngkat bad ka Kerala Blasters FC, North-East United FC bad ka Jamshedpur FC.
Na ka liang jong ka Lajong ha kane ka lym pung, kan ym long suk ban ia aireng bad ki kyn hun kiba la ieng lypa ha ka kyrdan kaba hakhmat duh ha ka miej iakhein poin jong ka ISL. Ka jingiakhun mynta ka sngi kan long ka sien kaba nyngkong ia kitei ki ar tylli ki kynhun ba kin ia aireng pyrshah iwei ia iwei ha ka jingialehkai phutbol.
Kane ka tournament kan long shisha kaba itynnad ha kaba yn iohi ia ki kynhun kiba na ka ISL bad ka I-League ki ban iakhun ban knieh ia ka nam lahduh ha kane ka lympung, ha kaba kiba jop ki la ioh ban rung lypa ha ka lympung AFC Champion League-2 Group, 2024.
Baroh ki jingiakhun ha kane ka lympung yn lah ruh ban khmih lyngba ka Jio Cinema.
Phi don ban ong eiei?