Ka Laitmawlong- Wahpein kaba khuid

Shillong, 24 Lber:
Ka shnong Lait-mawlong-Wahpein kaba don ha konstitwensi Sohra ka la ioh ia ka jingithuh kum ka Open Defecation Free (ODF) ne ka shnong kaba la don lut ki painkhana ha man ki thliew iing. Ia kane ka jingpynbna la plie paidbah da u MLA ka thain u Bah TW Chyne ha ka jingialang kaba long hynne ka sngi ha katei ka shnong ba la don lang ka BDO ka Khatar shnong-Laitkroh Kong E Warjri bad ki riew rangbah katei ka shnong. Ha kane ka sngi, u MLA u la pynpaw ia ka jingkmen ba ka shnong kaba la lah ban pyntreikam ia kane ka jingthmu ban pynneh ia ka jingkhuid bad u la kyntu ia ki paidbah nongshnong ba kin bat bha ia ka jingkhuid ha ka shnong bad ki sawdong sawkun.