|
Shillng: “Ka kam ha ri lajong kaba pahuh hynrei ba don kawei ka jingeh kaba long ba ngim mon ban trei,” ong u Symbud Myntri Rangbah ka jylla u bah Prestone Tynsong.
 Ïa kane u bah Prestone u la kren ha ka jingïalang plie ïa ka Directorate of Dairy Development and Meghalaya Milk Processing Centre, kaba don ha Mawiong, ha ka sngi nyngkong jong ka taïew, ka 27 tarik u Jymmang, 2019.
Haba kren kum u symbud kongsan, u bah Prestone u la ong ba ha kane ka tnad lah ban ai kam ai jam ïa haduh kumba 500 ïng ei ei.
“Lyngba ka Shillong Milk Union, malu mala yn ym duna ïa ka 500 ïng ki ba ïoh kam bad dei lyngba kane ka lad ïoh kam ïoh jam ba ka sorkar ka la plie, kumta nga kyrpad ïa kiwei ki co-operative society ban kin thaw ïa ka seng ban plie lad ha ka ïoh kam ïoh jam na bynta ki spah ngut ki longing ha ka thaiñ jong phi,” la ong u bah Prestone.
Haba pynpaw ka jingkmen jongu ba la plie ïa kane ka Directorate, u bah Prestone u la ong ba ka jingbhah jong ka sorkar haduh 220 klur tyngka na bynta kane lyngba ka MCDC, yn ai jingïarap kum ka loan component sha ki 2500 ki long ïng kum ki nongri masi.
Hynrei ha kajuh ka por u Symbud Myntri Rangbah u la maham ba ki briew ba ïoh ïa kane ka jingïarap kim dei ban pyndonkam bakla kumba la jia ha Garo Hills mynba ki ïoh jingïarap ei haduh 600 tylli ki masi khem dud.
“Kumta nga la maham ïa ki ophisar ba ki dei ban khmih bniah ba kan ym jia kumba jia ha Garo Hills ha u snem 2017 haba ki nongrep ki la ïoh jingïarap haduh 600 tylli ki masi khem dud, hynrei haba la jurip la lap pynban ba ki lah shalan tuh ïa ki sha Bangladesh,” la ong u bah Prestone Tynsong.
U bah Prestone u la bynrap ruh da kaba ong, “Ngi don hangne ban shakri na ka bynta jongphi, hynrei wat leh kamkai, wat ong ba kadei ka mar sorkar kumta phin ïa die noh sha Bangladesh. To ngin ïa shim bynta lang ha kane ka thong da kaba trei na ka bynta ka jingmyntoi jong ngi hi. Bad hapoh ka 5 snem phin sa ïohi ka jingkylla bad ynlah ban loit ban law syndon ïa ka jingduk hapoh ka jylla.”
|
Nga ruh kwah kam ladon ka lad ianga moa nga don ka 8 pass certicate
Nga ruh kwah kam lada don ba ai, sngew bha iarap lem, nga pass tang ia ka class 8
Nga ruh nga kwh Kam lada don ka lad sngewbha iarap ianga nga la pass class 8.
Nga lah pass class 7 bad nga kwah kano kano ka kam katba ioh bad nga lah don experience kam peon ha MeECL lumjungshai. Lada don kam cleaner ruh ka biang bha na ka bynta ia nga namar ba nga don ka jingkitkhlieh kaba khia bha na bynta ka ka ing ka sem. Te sngewbha iarap ia nga. Khublei shibun
Em ngam don eiei ban ong nalor jong kata pat