Ka la jan poi sa ka pali kaba lai ia ki nong England, ba kin shah injek iada corona

Ki nong England, kiba la pyndep ia ar sien injek, lyngba ka dawai iada corona, ka AstraZeneca, ba la shna da ka Oxford University, kin ioh sa ia ka dawai injek kaba lai, ka Pfizer lane ka Moderna, ha ki bnai synran, ki ban wan, ong ki lad khubor.

Katei ka injek, kaba lai sien, kan dei ia kito kiba la don palat 50 snem ka rta bad katei ka long ban khanglad, na ka jingwan jong kano kano ka jait jingpang khlam ba thymmai bad ban iada ruh ia ka England, na ka jing pynlong pakhang shnong biang. La iathuh ba kane ka injek, kaba mynta, kan dei kaba thymmai, ban iada na kiwei pat ki khlam lane kan dei kajuh hi ka injek.

Ka dawai AstraZeneca, ka dei kaba la ju pyndonkam ia ki nong England, kiba la kham rangbah ka rta, tangba la iathuh ruh ba kito kiba la dep ia ka dawai oxford, ha ki sien ba ladep, kin ioh ha ka sien, ka ban wan, sa ka dawai mRNA, ha kaba ka AstraZeneca, kam don ha ka, ia ka dawai mRNA, katba ka Pfizer bad ka Moderna ki don.

Ki lad khubor, ki iathuh ba ka haba ki nong England, ki la dep ia ar sien injek, kumta, lada kin leh biang sa ha ka sien kaba lai, kumta kin nang khlain bor bad kin nang lah ban iakhun ia ka jingwan ka jingpang covid, ha ki sngi ki ban sa wan.