Ka la don ha kano kano ka kashari ka pyrthei, ba la kylli ia ka jaka kha ia U Jisu ne U Prophet, kylli u nongbishar

Ka jingbishar shaphang ka jaka ba la kha ia U Ram, ka dang iaid mynta ha Supreme Court bad ha ka jingshong bishar ha ka Sngi Balang, ka Supreme Court, ka la kylli, la ka ju don ka khep, ha kaba la ju kylli ia ka jingkha ia U Propher lane ia U Jisu, ha kano kano ka kashari jong ka pyrthei?

Advertising
“Ka la don ka jing kylli, kum kane kaba mynta, kaba kylli shaphang ka jaka jong ka jingkha ia U Ram, ka la don ju don, ha kaba iadei bad ka jingkha ia U Prophet lane la ia U Jisu, la kha ne em ha Bethlehem, ha kano kano ka kashari jong ka pyrthei” kylli u nongbishar, U SA Bobde, ia U K Parasaran, u nong iasaid, na bynta ka blei Ramlalla. Halor katei u riewsaid, ula jubab, da kaba ong “ngan da peit ia kata”.

U Justice Bobde, u dei uwei na ki san ngut ki nongbishar, ba la khlieh da U Chief Justice ka India, U Ranjan Gogoi ban tohkit halor ka jing ia kajia ia ka jaka mane blei jong ka Ramjanmabhoomi-Babri Masjid.

U Parasaran, u kam ba ki kot histori, ki iathuh ba ka don ka temple ha katei ka jaka bad u ong ba ki don ki jingthoh kiba pyni ba ka Ayodhya, ka dei ka jaka ba la kha ia U Ram, ha kaba la thoh kum ha ka Valmiki Ramayana. “Kam don kano kano ka jing artatien, ba kane ka dei ka jaka ba la kha ia U Ram bad kata ka dei ka sakhi kaba shai kdar bha” ula ong.

U Justice Bobde, u kylli shuh shuh, la kitei ki dur blei, kiba don ha katei ka jaka bad kiba la don ba kam trai ha U Nohprah 1949, ki dei kiba la don tarik ne carbon dated bad ia katei ruh U Parasaran, ula jubab ba um tip satia.