Ka kyrwoh jingpynshai na ka PDF Sohra

          Ha kaba iadei bad ka jingkynthoh ka UDP Sohra Constituency, na ka liang ka Zonal Committee jong ka  PDF Sohra lyngba u General Secretary, Bah I. Riwan ka pynpaw ia ka jinglyngngoh ban iohi ia ka jingkynthoh pyrshah ia u MLA Sohra ha kaba ia dei bad ka ilekshon MP.

1. Nyngkong, haba peit ia ka result MP, ngi iohi ha baroh ki Constituency jong ki MLA kiba don hapoh ka Sorkar MDA lait noh tang ha Khliehriat, la rem lut. Ngi sngewdei ban ong ba ka UDP Sohra ka dei ban kynmaw shwa hapoh ki constituency bapher bapher kiba mihkhmat da ki MLA ka UDP. Hato jop lut ha kita ki Constituency ? Hynrei ngi iohi ba ki don ki Constituency ba mihkhmat da ki MLA ka UDP ruh dang rem bad shah tam da ki bun hajar.

2. Kaba kham sngewthamula shuh shuh ka long ba, la thoh ruh wat ban pynduh noh ia ka bhah jong u MLA Sohra. Ngi shu kwah ban buh jingkylli, hato ki sngewkmen ban khanglad ia ka roi ka par ban wan hapoh Sohra Constituency ? Ha ka jingshisha, ngi la dei ban sngewkmen shibun ba lyngba ka jingtrei shitom jong u MLA ka Sohra uba don hapoh ka sorkar MDA la lah ban wanrah ia shibun ki skhim pynroi kynthup ia ka sanction na ka bynta ka surok rong kaba leit sha ka thain Khatarshnong kaba dei ka thain jong u nongkynthoh.

Namarkata, ngi kum ki nongshong shnong hapoh ka Constituency katno ngi angnud ban wan ki kam pynroi lyngba ki nongmihkhmat kiba la jied da u paidbah, hynrei ka long pat kaba sngewthamula ba na ka liang ka UDP Sohra ki don kiba kwah ban khanglad ia ka roi ka par. Ki dei kiei ban batai stad ia ka bhah na ka Sorka MDA kaba dei ban wan lyngba u MLA jong ka thain.

                                                                                                                                                                    Khublei Shibun,                                                                                                                                                                                                                                                                                                                                                                      Uba burom ia phi, 

                                                                                                                                                                                                                                                                                                                                                            Sd/-

                                                                                                                                                                                                                                                                                                                                                     Bah I. Riwan

                                                                                                                                                                                                                                                                                                                                          (Zonal Commitee, PDF Sohra)