Ka kyiad ka nongshun ia ka imlang sahlang, ong u CI

Nongpoh, 22 Naiwieng:
U Bah SS Umdor uba dei u Circle Inspector (CI) ka Ri-Bhoi district u la ong ba ka kyiad ka dei ka nongshun ia ka imlang sahlang bad ia ki khun samla ka ri.
U la kren ia kane ha ka jingialang kaba long ha shnong Umjari ba la pynlong da ka seng RBYDSO halor ka jingialap ia ka jingma ka kyiad.
Ha kane ka jingialang la wan ban sakhi da ki paidbah ka shnong bad ki dkhot ka seng, la pynshai paidbah ba kumno ka kyiad ka dei kaba wanrah ia ka jingsniew ha ka iing ka sem, ka imlang sahlang hi baroh kawei.
Ki riew rangbah bad rangbah shnong katei ka shnong, ki la pynpaw ia ka jingsngew tynnad ba ka seng ka la wan ban pynlong ia kum kane ka prokram kaba ai jingmyntoi shisha ia ki paidbah khamtam halor kane ka phang kaba donkam shisha.