Ka kwaiar Krismas ha ri Lum Garo

Shillong, 20 Nohprah:
Yn rakhe ia ka Krismas ha ri Lum Garo mynta ka kynti da kaba pynlong da ka tamasa ia rwai Kwaiar kaba yn rwai da ki kynhun rwai bapher bapher kynthup ki balang bapher bapher kiba don ha ri Lum Garo. Ia katei ka tamasa yn pyniaid da ka bor pyniaid District jong ka West Garo Hills ryngkat ka Tura Arts and Culture Society , bad yn pynlong ia ka ha ka 22 tarik u nohprah ha Dikki-Bandi Stadium. Katto katne na ki kynhun ki ban pynshongshit ia ka jingrakhe Krismas ha katei ka sngi ki long ka Aroha Choir Group na Shillong, ka Alobo Naga bad kawei pat ka kynhun tem na Kohima , Nagaland.
U Myntri rangbah ka jylla u Dr.Mukul Sangma un long kum u kongsan ha katei ka sngi bad ka prokram kan sdang naduh ka por 4 baje janmiet.