Ka kurim jong U Modi, ruh kan ioh nongiada SPG

Bhopal, 25 Jymmang:
Ynda haba U Naren dra Modi, un shong un sah ha Delhi, kum u myntri rangbahduh, hynrei, ka kurim jongu ruh, ka Jashodaben, kan hap ban ioh ia kajuh ka jingiada, kumba long lem u kurim jongka, U Narendra Modi.
Kat kum ki ain jong ka Special Protection Group, ka Jashodaben, kaba don 62 snem ka rta, kan ioh lem ia ka jingiada kumba long lem ia u kurim jongka ruh. Katei ka ain, ka kdew, ba ka kurim jong U Naren dra Modi, ka Jashodaben, wat lada jia ba kam ia shong shuh bad u kurim jongka ruh. Ka Jasho daben, ka sah bad arngut ki para shynrang jong ka, ha kawei ka shnong, ha Ishwarwada, kaba ha Mehsana district, kaba don shatei jong ka Gujarat.
Ha ka sien, kaba nyngkong eh, U Modi, ha kane ka elekshon Lok Sabbha, ula phla ba ka Jashodaben, ka dei ka kurim jongu bad katei ka dei ha ka por ba u thep kyrteng ialade, na bynta ka Vadodara Lok Sabha.
U Modi bad ka Jashodaben, ki la ia poi kha ha u snem 1968, ha ka por ba ki dang ia khynnah samla.
Ha ka por ba ki ia kynduh, la iathuh ba U Modi, ula ai pynpaw ha ka, ia ka jingkwah jongu, ban shakri ia ka Ri bad ula ai jingmut ruh ia ka, ba kan bteng ia ka jingpule jongka. Mynta ka Jashodaben, ka la shongthait na ka kam hikai bad ka don ha ka jingim kaba kynjah ha la shnong.