KA KSIAR: Balei ki kynthei ki donkam iaki jingdeng ksiar?

[ba bteng]

KA JINGDONKAM KABA KONGSAN JONG KA KSIAR HAKA JINGIM JONG KI KYNTHEI:—
Baroh ki kynthei ki ieid bad sngewtynnad iaki jingdengksiar namar ka pyni iaka dak jongka jinglong kynthei bad ruh ka pyni iaka kyrdan haka imlang sahlang. Ki jingdeng ksiar ki ju pynbhabriew bad pynshlur borabor iaki kynthei. Ha kylleng satlak ka pyrthei, ki kynthei ki deng ia bunjait ki jingdeng bapher bapher la kidei ki kpieng, ki sohshkor, ki sati bad kiwei kiwei de hynrei kidei kiba la pyndonkam paitbah bad kiba latip lut da baroh. Namar kata balei bun naki kynthei ki jied ban deng man laka sngi bad balei kine ki jingdeng ki don iakata ka rukom khmih bad sngew.
Ki jingdengksiar kilah ban pynthaba bad pynphalang iaka main bad iaka jinglong kyrpang haki kynthei bad kane ka pynpaw iaka durkhmat kaba bhabriew tam haba nang ban pyniadei iaki bad ki riam baphi phong haba don kano kano ka jingleh sngewbha.Namar kata ki jingdengksiar ki don iaka bynta kaba kongsan haka jingim jongki kynthei namar kilah ban pynsngew kyrpang, ban leh stai bad ban pynbhabriew.
Naka bynta ki kynthei, kidei shisha ki atiar kiba lah ban pynphylla iaki. Ka jingkongsan jongki ksiar naka bynta ki kynthei lah ban batai ba shisha ki ieid bad sngewtynnad ban deng iaki naduh dangrit. Ka jingpawnam jong ki ksiar kala nangkiew kat nangmih kj sngi ki por naba bun ki jingdeng bala shna ohshrong bha bad itynnad ki la nang bun haki iew ne haki jaka die. Ki don bunjait ki jingdengksiar kiba la shna kyrpang naka bynta kino kino ki sngi kyrpang. Ki sngi kyrpang kum ki sngi iathoh shongkurim, ki sngi lyngkhuh snem, jingkhawai sngikha bad kiwei de ki jingkhawai kim iphuh lada ki kynthei kim deng iaki ksiar ki rupa ha kum kine ki sngi.
KA BYNTA JONG KA KSIAR HAKA JINGIM JONGKI KYNTHEI

1. Palat daki spah snem, ka ksiar ka don jingmut bha haphi. Bunsien haki riti dustur, ki kynthei naduh dangkha ki ioh jingai sngewbha daki ksiar kum ki sohshkor, ne ki kpieng ksiar naki kmieieid kpaieid jongki. Ngi lah ban ong ba kadei ka jingkynshew kaba nyngkong eh naka bynta ka lawei jong ki khun kynthei. Ban buh bha ha i synduk iba rit hapoh synduk, kadei kaei kaei kaba phi sngew kordor tam eh.
2. Haba phi dangrit ka rta phim lah khlem da peit sah haba i mei jongphi i deng iaki jingdengksiar kiba itynnad. Lehse kan dei ka sien kaba nyngkong phin sngewthuh shaphang ka jingkordor ki ksiar. Haki sngi lehkmen ne sngi kyrpang, ki kmie ki kpa ki ju sei ia la ki ksiar ki rupa bad iathuh khana shapang ka jingdonkam bad ruh shaphang ka jingkordor ka ksiar haka jingim.
3. Haba phi kynjoh sha ka rta jinglong samla, ki kmie ki kpa ki sdang ban pyndeng iaki jingdengksiar iaphi ban lehkmen naka bynta ka jingsdang jongka jinglong samla. Haba deng iaki ksiar, ka sniehdoh jongphi ka khambha bad itynnad ban iakiwei pat ki jingdeng ki bymdei naki ksiar. Ymtang ba ki pynbha iaka sniehdoh jongphi hynrei ki lah ruh ban pyniahap bad kino kino ki jain baphi phong. Ka ksiar kalah ban nangpynskhem bad pynbhabriew haba leh kmen haka por samla.
4. Hadien ka jinglehkmen haka por samla, ban ioh kam nyngkong eh haka jingim kadei kaei kaei kaba pynkmen arsut iaphi. Bad ka jingsiew ba nyngkong phi ioh, ki jingmut jingpyrkhat ki her beit sha ka jingkwah ban thied shuwa iaka ksiar. Kane ka pyni ba ka ksiar kadei ka bynta kaba kongsan ba phi kwah eh haka jingim kumba la hikai da ki kmie ki kpa bad daki riew hyndai.
5. Hadien ka jingiathoh shongkurim, bun naki kynthei ki sngewdei ban deng daki ksiar namar kane ka pynpaw iaka jinglong kyrpang, pynioh burom bad ka pynshlur iaki ban ialeh pyrshah naka jingshah lehbein haka liang ka shongkha shongman.