Ka komiti Wad Lokayukta

Shillong, 18 ‘lyngkot:
Ka sorkar Meghalaya ka la thaw ia ka komiti, na ka bynta ban wad ia u lamphang lem bad ki dkhot jong ka Lokayukta bad halor kane la thaw ia ka komiti, ha kaba U bah GP Wahlang, IAS Retd, un dei u khlieh duh jong ka komiti bad ki dkhot ki long U BB Dutta, U LM Sangma, ka kong Theilin Phanbuh bad U SG Momin, kum ki dkhot.
Ka bor jong katei ka komiti, ka long ba kan trei kam kat kum ki Rule 10 bad Rule 11 jong ka Search Committee (Constitution, Terms and Conditions of Appointment of Members and the Manner of Selection of Panel of Names for Appointment of Chairperson and Members of Lokayukta) Rules, 2014, ong ka kyrwoh ba la pyllait da U Commissioner and Secretary jong ka sorkar Meghalaya, Political Department. (MIPR)