Ka Komiti ban iada leh tam kynthei, ha jaka trei

Shillong, 18 Jylliew:
Ka sorkar Meghala ya ka la thaw ia ka Complaint Committee for Protection of Women (CCW) na ka bynta ban iada ia ka jingleh tam ia ki kynthei ha ki jaka trei. Ka tnad bylla ka jylla lyngba u principal secretary u MS Rao, la iathuh ba kane ka komiti kan long na ka bynta ban iada ia ki kynthei na ka jingleh tam jong ki shynrang ha ki jaka trei, la ka long ha ophis sorkar, ki karkhana, ki dukan bad kiwei kiwei ki jaka”.
Kane ka komiti kan khlieh da ka Labour Commissioner kum ka chairperson, u SP (CID), Asst director ka Social Welfare (social defence), u nongia said ain ka sorkar ne public prosecutor, chairperson ka Child Welfare Committee kin long ki dkhot bad u deputy labour commissioner kum u member secretary.
Katkum ka jingpynlait khubor, ka komiti kan tohkit ia baroh ki jingujor kiba iadei bad ka jingleh tam ia ki kynthei ha ki jaka trei bad kan pynbeit ia ka kam ha ka por ba la buh bad kan pynkup ruh ia ki jingpynshitom ia kiba lap shisha ba leh tam.