Ka Kolej sorkar ha Garo, ka khyrdop sha Kiang Nangbah Kolej: GSU

Shillong, 1 Jylliew:
Ka Garo Student Union (GSU) ka la kynnoh ba ka kolej Sorkar ha ri Lum Garo ka dei tang ka khyrdop bah ban leit sha Kiang Nangbah Kolej kaba don ha Jowai. U President katei ka seng u Tengsak G Momin u la ong ba ka Government College ha Tura ka dei tang ka jaka ba ka tnad pule puthi ka sorkar ka pyndonkam kum ka jaka thungkam ia ki nonghikai kolej bad tang mar ia rung kam la wan sa ka shithi pynkynriah kam ia ki sha kiwei pat ki jaka bad kiba bun hi ki dei kiba leit sha Kiang Nangbah College , Jowai. Ha ka shithi ba la phah sha u myntri ka tnad pule puthi u Prof. R.C Laloo u President ka GSU u la thoh, “Ki don ki nonghikai kiba dei Khasi bad Jaintia ha kolej sorkar ha ri lum Garo, ka Garo Hills ka pdiang sngewbha ia ki hynrei ka jingeh pat ka long ba kiba bun ki shah pynkynriah noh sha Kiang Nangbah Kolej, la kumba ka Garo Government College ka long kum ka khyrdop thungkam” ong ka ijngthoh ka GSU.
Katei ka seng ka la ong ba ki don tang iwei ne ar ngut ki nonghikai kiba dei ki Garo kiba don hapoh Sohra Government College hynrei ym don pat tang weir uh ha Kiang Nangbah, “Balei ym thungkam ia ki nonghikai Garo sha kiwei pat ki bynta jong ka jylla hynrei la thung ia ki tang hapoh ri Lum Garo hi” ong utei u President ka GSU uba la bynrap ba ki don bunbah ki nonghikai Garo kiba la pyndep ia ka NET. Ula ong ruh ba ki don bunbah ki kam kiba lait ha ki kolej sorkar ha ka jylla bad u la kyntu ia ka sorkar ba ka dei ban pynrung kam ia ki nonghikai Garo ruh.
U Tengsak u la ong biang ba u Jojrang GD Shira, u de u nonghikai Physics ha Tura Govt. College bad ka kam hikai jong u hangtei ka dei kaba shu ia soi kontrak bad u la hikai la slem bha hynrei mynta pat la thung ia u kum u nonghikai jong ka College Teachers of Education, Tura. U Tengsak u la ong ba katkum ka jingioh jingtip katei ka seng kiba ioh ban rung ha katei ka kam ki donkam ban pyndep ia ka M.Ed degree hynrei utei u briew um pat dep tang ia ka BeD ruh hynrei la thungkam pynban ia u. U la kynnoh ba kane baroh ka dei namar ka U Tengsak u la ong ruh ba ka Damaya-iaka Grace Suiam, ka nonghikai ha ka sobjek English kaba la thung ha Tura Govt. College namar ka jingshong thait noh u Vice-Principal ka Tura Govt. College ka PM Marak kaba dei ka nonghikai ha ka sobjek Economics bad ha ka sobjek Economics ki don ar tylli ki kam kiba lait hynrei u la ong ba la thung pynban da ka nonghikai English.