Ka Khyndailad, kan sa kylla long kum ka Singapore, ong u Myntri pynroi sor

Shillong: U Symbud Myntri Rangbah ba khmih ïa ka Tnad Pynroi Sor Bah Sniawbhalang Dhar ula lum ïa ka jingïalang bishar kam halor ka jingïaid jong ka jingtei jong ka project MTC.

Ka project ba la mang T.216 klur la tei ha ka jaka jong ka Meghalaya Transport Corporation kaba don ha Khyndailad.
Haba ïakren bad ki nongthoh khubor ha ka sngi Thohdieng, u Bah Sniawbha ula ong, “Nga la shong jingïalang bishar kam ïa kane ka project hynnin ka sngi”.

“Phin sa ïohi ïa ka police bazaar ba thymmai, hadien ba la dep kane ka project. Kan long kum ki jingtei ha Singapore,” ula ong.
Ula pyntip ba ka Sorkar ka la thmu ban shna ïa ka hotel bad kiwei ki jingtei ba lah ban pyndonkam bun rukom, ka ban sa pyndep hapoh ka arsnem shiteng.
Ia ka Ophis jong ka MTC la pynkynriah sha Mawïong.