Ka khuid ka suba bad ka jingdih buaid ka pynsniew ia ka imlang sahlang, ia thir ka HYC

Shillong: Ka HYC Lawbah Circle ka la pynlong ia ka jingialang paidbah ha ka 25 tarik Jymmang 2019  ha ka por 11 mynstep ha ïing skul Presbyterian Higher Secondary School,Mawlyngbna halor ka phang ka ba iadei bad jingkhuid jingsuba bad ki jingdih pynbuaid ki ba pynsniew iaka imlang sahlang, ha kane ka sngi la wan ban ia shim bynta lang ruh daki VDP, Senglongkmie bad ki Samla na baroh saw kyntoit jongka thain. Ia kane ka jingialang la pyniaid da u President jong ka circle bah Martin Wanniang,ki nongkren ki long u Org.Sec samla M. Wahlang. Ha kane ka jingialang la wan ban ia don lang ruh ki Rangbah Shnong ka thain kynthup na Umtyllun,Mawlyngbna,Mawtepiew bad Lawbah kiba la ai ruh ka jingkren ha katei ka sngi. Ha kane ka sngi la ia don lang ruh ki khynnah skul  jong ka Martin Luther Christian University(MLCU),Shillong kiba la ai da ka skit halor ka phang pdeng baka seng kala buh halor ba kumno ka kyiad ka pynjot iaki long ïing bad  ia ki mynsiem briew.

La ioh ruh ia ka jingpynshai na U bah Kenny Jyrwa, uba long u Nongsaidain uba la pynshai halor ki ain kiba iadei bad ki jingshah thombor jong ki kynthei ki khynnah. Ha kane ka sngi la ioh ban iatai ia thir bha na baroh kiba la wan iashim bynta halor ka phang ba kumno kum ki nongshong shnong ki dei ban long kiba don ka mynsiem kit khlieh ha kaba iadei bad ka jing ri jingsumar iaki shnong ki thaw da kaba sumar khuid khnang baki briew ba wan nabar kin iohi iaka jinglong shai khamtam haba kane ka thain kala sdang ban khring bha iaki nongjngohkai pyrthei, la iatai sani ruh halor ka jingktah ki jingdih pynbuaid kum ka kyiad u drok bad kiwei kaba la pynjot iakiba bun ki samla bad ki longing kumjuh bad kumta halor kane  ka jingialang kala shim syndon iaka rai ryngkat ki bor shnong ba yn nym shah shuh ban die kino kino ki jingdih pynbuaid hapoh u pud u sam ki saw shnong bad kan ai por shibnai iakito kiba ju mlien ban die ba kidei ban sangeh noh shi syndon bad lada lap ia kiba pynkhein ka seng ryngkat ki bor shnong bad VDP kin sa pynshitom kat kumba shah ka ain. Khatduh eh la ioh ka jingkren ai khublei na u Adviser ka Circle u bah Tamdor Risaw.