Ka khubor telebishon ha Nongstoin

Nongstoin, 16 Naitung:
Khnang ban ai ia ka jingshakri kaba bha ia ki paidbah ka thain West bad South west lyngba ki khubor kiba jia hapoh kitei ki ar District, U Ksan Rngiew production u la pyllait paitbah ia ka khu bor ba shisien shitaiew lyngba ki Cable Network ia kaba la ai kyrteng “U Kyrwoh News Broadcaster”.
Ka jing thmu jong katei ka Channel ka long ban ai jingtip iaki paitbah ha kaba iadei bad ki jingjia kiba jiang ha kitei ki ar tylli ki District, ia u KNB yn pyni paitbah ia baroh ki jingjia ne ki pro kram kiba iadei bad baroh shitaiew tang ha ka sngi u Blei ha ka por 8:00baje janmiet.
U Bah R.Syiem u la long u trai jong katei ka channel kaba nyngkong eh hapoh ka thain West u ba dei ruh ha kajuh ka por  kum u Producer ha ryngkat ka jingiarap lang jong ki katto katne ki nongthoh khubor jong ka sor Nongstoin.
La sdang ban pyni nyngkong ia katei ka Channel myn haka sngi u Blei ka 12 tarik jong ka taiew ba la lah ha kaba yn bteng beit man ka sngi u Blei ia katei ka Channel haduh mynta la pyni tang hapoh Mawkyrwat, Nongstoin, Mairang bad Kynshi.
Na ka liang jong u KNB u kyrpad ia baroh ki paitbah, ki sengbhalang, ki heh sorkar bad baroh kiba donkam ban ai iaki khubor ne ki jingpynbna ba kin phone ha kine ki number, Nongstoin-9612752364, Mairang – 9856615644, Mawkyrwat – 8414804849, Riangdo & Mawthadraishan – 9485037931 bad Kynshi – 9436300003.