Ka khubor sngewlem na u lamphang dorbar Jylla bad ia U Bah GS Massar

Shillong: U Lamphang ka ing Dorbar ka Meghalaya Legislative Assembly u bah Metbah Lyngdoh myn hynnin ka sngi u la phah shithi sngewlem sha ka long ing u Bah Ganold Stone Massar u ba la khlad noh mynta ka sngi.

U bah Metbah Lyngdoh u la ong ba kum u MLA u bah Ganold Stone Massar u long u briew u ba smat bha ban ia shim bynta ban ia phylliew jing mut halor ka roi ka par naka bynta ka jylla Meghalaya. U bah Metbah Lyngdoh u la ong ruh ba ka jing khlad noh u bah Ganold Stone Massar ka long ka jing duh nong ym tang ia ka long ing hynrei ka jylla Meghalaya baroh kawei.

U bah Ganold Stone Massar uba dei u myntri barim ka sorkar Meghalaya bad kumjuh ruh u CEM ka KHADC barim u la khlad noh mynta ka sngi ka 22 tarik iaiong 2020. U bah Ganold Stone Massar u dei ba shong ba sah ha Riatsamthiah Block IV bad ka jing leit on tep kan long haka 24 tarik u Iaiong, 2020 ha u lum jingtep ka Balang Presbyterian Mawkhar uba ha Mission Compound ha ka por 1 baje janmiet.