New Delhi: Ka khlam covid, ka la sdang wan biang bad ha ki 24 kynta, ka jingkiew jong kiba ioh pang covid, ka long da 38 percent, ha kaba kiba ioh pang thymmai, ki poi sha ka 7,830 ngut bad katei ka dei ka jingkiew kaba la jur bha, haba ia nujor, naduh ka 2tarik Nailur 2022.
Kiba iap covid, ki don 16ngut bad kitei ki kynthup ia arngut na Delhi, Himachal Pradesh bad Punjab. Nangta u don sa uwei uba iap ha Gujarat, Haryana, Maharashtra, Tamil Nadu bad Uttar Pradesh. San ngut kiba iap ha Kerala.
Ha ka 11tarik Iaiong, ki don 5,676 ngut kiba ioh pang thymmai bad ki don 21ngut kiba iap.
Kiba ioh pang covid baroh, ki don mynta 40,215ngut ha ka Ri haduh mynta. La iathuh ba ha ki 10-12 sngi, ki ban wan, kin don bun kiba ioh pang bad hangta, kan sa nang duna suki suki.
to ngin ia sumar ban leh khuid bad ban deng mask haki jaka paidbah