Ka khlam corona, kam nud ban tur shajan, ba nga dih, da ka umjung masi, ong ka MP

Ka Pragya Thakur, MP jong ka seng BJP, na Madhya Pradesh, ka pyntip paidbah mynta ka sngi, ba ka khlam corona, kam nud satia ban tur shajan jongka bad ka lad jing iada ba kongsan eh jongka, ka long ba ka dih man ka sngi, da ka umjung masi.

Ha ka jing ialang jong ka seng BJP ha Bhopal, ka Thakur, ka ai jingmut ia kiba don ha katei ka jingialang, ba kin ia dih lem, da ka umjung masi bad ka ong, ba ki dei ban dih ia ka umjung jong ka masi, kaba dei ka masi shnong, namar ba ka pynduh ia ka jingpang kaba ktah sha ki tor. Ka iathuh ba ialade, ka dih thikna, da ka umjung masi bad kumta, ka lait na ka jingpang khlam covid.