Ka khieshoh sniang ruh, ka dei kaba ia bit na China, ong u myntri ka Assam

Guwahati: U Atul Bora, myntri kam rep ka sorkar Assam, u iathuh mynta ka sngi, ba ki doktor ki suba ba ki don bun bah ki sniang, kiba ioh jingpang khieshoh lane ka African Swine Fever. Ula ong shuh shuh, ba ka don ka jingsuba kaba jur, ba katei ka khieshoh, ka dei kaba wan poi na China lane na Tibet.

Haba kren sha ki kotkhubor, U Bora, u iathuh ba katei ka khieshoh, ka dei kaba la jia ha Africa ha u snem 1921, nangta u iathuh ba katei ka khieshoh, ka la jia ha China, nangta ka pur sha Arunachal. Hadien ka jingiap jong ki sniang, la bret shapoh um bad katei ka la pynioh jingpang iabit sha Assam. U Bora, u iathuh ba ka jingpang khieshoh jong ki sniang, ka la jur bha ha China ha kine ki sngi.