Ka khanasumari ka ioh ka kot, haba kut u Nailur, ong u Bah Prestone

Shillong. 8 Nailur:
U Myntri kam pyn roi nongkyndong u Bah Prestone Tynsong, u la ong ba ka thup jong ka khanasumari ka ioh ka kot kan sa mih ha ka taiew ba khadduh jong u Nailur.
“Ngi la buh thong ban pynmih ha ka taiew ba pdeng jong u Nailar, hynrei mynta la buh thong biang ban pynmih ia ka khanasumari ha kaba kut jong u Taiew ba nyng kong jong u Nailur”, la ong u Bah Tynsong haba iakren ha kane ka sngi Nyngkong.
U Bah Tynsong u la ong ba ha ka jingshisha la buh ban pynmih ia ka khanasumari jong ka Khasi bad Jaintia hapdeng jong u Nailar bad ia kiwei ki district ha Garo Hills la buh shwa ka 25 tarik Nailar.
‘Hynrei namar ki daw bym lah kiar ki De puty Commissioner jong ki district kin pyndep ia ka kam haduh ba kut jong u Nailur” u la ong.
U la iathuh ba ka jingthoh kyrteng la dep ia baroh ki district ha ka jylla. “Ngi la dep pynlong ia ka jingbishar paidbah”, la ong u myntri nongkyndong.
Shwa ia kane, u Bah Tynsong u la ong ba ki paidbah ba ioh bynta na ka Food Security Scheme (FSS) kin long katkum ka thup kyrteng jong ka Draft Socio Economic .
Mar ia dep ia ka khanasumari, ka jingioh bynta na ka Food Security Scheme yn pynshong nongrim katkum kane ka thup, u la ong.
Ha kawei ka liang, ki heh ka tnad ki la iathuh ba la sam ia ka kot reshon kaba thymmai bad kaba rim hap ban pynphai noh.
Ka Food Security Scheme ka thmu ban ai khaw tad haduh 18,44,000 ngut ki paidbah ka jylla sha nongkyndong bad 3,12,000 ngut ha ki jaka nongkyndong.
Uwei uwei u briew un ioh khaw tad san kilo ha ka shi bnai ha ka dor T.3 shi kilo, T. 2shi kilo u kew badT. 1 shi kilo u atta.