Ka KHADC hato ka ai ia ki skim na ka bynta u paid bah ne na ka bynta ka jing myntoi u Syiem bad ki myntri:HIA

Shillong:Ka Hynniewtrep Iewduh Association ki la pynrem jur halor ka jing kyntait jong u acting Syiem ka Hima Mylliem u Ainam Sing Syiem ban ia kynduh ia ki hynnin ka sngi ka 27 tarik u Rymphang 2020 ha ophis trei kam u Syiem ha Hima Mylliem,Mawkhar.

Ha ba ia kren bad ki lad pathai khubor na ka liang u General Secretary ka HIA u bah Korbar L Nonglait, u la ia thuh ba ka jing leit ia kynduh jong ki ia u acting Syiem ka Hima Mylliem ka long ban pan jingshai halor ka jing tei beain ia ki mala kaba jrong ha Basa sohsaw ka “Proposed Construction of Whole sale Market”da ka skim ba la ioh na KHADC .

U la iathuh ruh ba ka jingai skim jong ka KHADC ban shna bha ia ka ne ka jaka ha basa sohsaw ka long ban pynsuk ia ki nongrep, kiba wan ban pynhap mar ha iewduh ym ban ai jingmyntoi ia ki myntri jong u Syiem da kaba shna ia ki dukan ha kine ki jaka. La iathuh ruh ba na ka liang u acting Syiem ka Hima mylliem u la dep ban shna kumba 30 tylli ki dukan.

U la ong ruh ba ka jingkyntait jong u Syiem ban ia kynduh bad ka bym treh ban ai ia ka jingpynshai ia ki seng HIA ka pynpaw ba ka don ka jing pyndonkam bakla ia kane ka skim ha ka ba u Syiem u ialeh ban burieh ia ka eiei ka ba sha lyndet.

U la pynpaw ruh ba u Syiem u dei ban sngap ia ki jingeh jngshon jong ki paidbah ka Hima bad haba ki khlem leit ha ing ha sem jong u, hynrei ki la leit ban pynpaw ia ka jing eh ha ka dorbar hynrei u Syiem u la kyntait mardor ban ia kynduh ia ki.

U la ithuh ruh ba iakane ka kam ha u bnai Nailar 2019 na ka bor ka District Council ki la pynsangeh noh ïa kane ka kam mynta namar ba ki lap ba kane ka jingtei ka long ka ba shongsynjor bad ka ba shongsyier.

Hynrei ki la pan biang ia ka NOC na u secretary ka District Council ban shna pynskhem ia ka ne ka jaka hynrei ki la pyndep ruh ia kine ki dukan 30 tylli ha ka tei ka bsa sohsaw. U la ong ruh ba ka KHADC, hato ka ai ia ki skim na ka bynta u paid bah ne na ka bynta ka jing myntoi u Syiem bad ki myntri jong u ne.

Na ka liang jong ka HIA ka pyrshah jur ia ka jingshna beain ia ka ne ka jaka da u Acting Syiem bad ia ka jing shynshar donbor jong u ha ka ba u la kyntait wat ban sngap ia ki jingeh jong ki paidbah ka Hima.