Mynta ka Katrina Kaif bad U Vicky Kaushal, ki la ia dei shi tnga bad la pynlong ia ka jing ia poi kha jongki, mynta ka sngi ha Six Senses Fort Barwara ha Sawai Madhopur, Rajasthan. La khot sngewbha ia 120ngut ki paralok kiba iajan bad kitei ki shi tnga bad kitei ki kynthup ia ka Neha Dhupia bad ka Angad Bedi, nalor kiwei kiwei.
Ha ka 6tarik Nohprah 2021, ka Katrina Kaif bad U Vicky Kaushal, ki la leit poi sha katei ka jaka ia poi kha jongki bad ka jing pynkhreh ia ka jing ia poi kha, ka la sdang naduh ka 7tarik Nohprah 2021 bad hynnin ka sngi, la pynlong ia ka hali bad ka sangeet.
Mynta ka sngi, la pynlong ia katei ka jing ia poi kha, ha ka jingdon kiba ha iing ha sem na baroh arliang bad la khang ia ka jing ia shondur ne ka jing ia ring video, na kito kiba wan sha katei ka jing ia poi kha.
La iathuh ba U Vicky Kaushal bad ka Katrina Kaif, ki la die ia ki dur iathoh jongki, ha ka dor kaba T.100klur, ha kawei ka kynhun ki nongshondur.
Phi don ban ong eiei?