Ka kam thok, kaba palat na baroh ki jingthok; ong ka KSU halor ka jingpait ka tank buh jakhlia

Ka KSU South West Khasi Hills District ka kwah ban pynshai ba ka jingong jong u Chief Minister u Conrad Sangma bad ka kaiphod jongki Bor sorkar ba kam don ka jingorpait jongki jaka buh jakhlia uranium ha Nongbah Jynrin, South West Khasi Hills District ka dei ka jingialam bakla ia ki paitbah bad ka Jingthok bad buhrieh pyllein pyllein iaki jingshisha. Na ka liang jongka KSU South West Khasi Hills District Unit ka kwah ban pynshai kumne:

1. Ba hadien ba ngi lah iohi ha ki social media ba ka don ka jingbthei haki jaka buh jakhlia uranium ( Uranium ore tanks) haka sngi u blei 21 tarik, Ka seng ka la phah iaka kynhun jongka ban leit sha kato ka jaka ban lap iaki jingshisha. Haka jingleit jurip jongki dkhot jongngi ngi la lap ba ka don ka Jingpait jong kine ki jaka buh jakhlia uranium bad ka don ka jingiapher jongka jingorpait haki por mynshwa bad mynta namar mynta ngi iohi ba ki thliew ruh ki lah heh ban ia Nujor bad ki por ba mynshwa. Watla ngim pat ai kano kano ka jingpynkut (conclusion) la ka don jingbthei ne em namar ha kato ka sngi ngim pat lah ban leit lut sha baroh ki jaka na ka daw jong u slap uba jur ha kato ka sngi hynrei kawei ba ngi tip shai ka long ba ka don ka jingpei thliew bad haba Don ka jingbthei thliew ka long ba ngim don ka jingartatien ba ka don ruh ka jinglait shabar jong ka Erbih kaba don shapoh.
2. Haka jingieit jurip jongngi ha kato ka sngi, ym dei tang ki dkhot ka seng kiba Leit hynrei la Synran lang ruh daki nongthoh Khubor khnang ban lap iaki jingshisha.
3. Ka seng ka sngew lyngngoh ruh iaka jingkren jong u Chief Minister ba u la pyntip ia kane sha ka AMD bad UCIL. Ngi kwah ban buh jingkylli iaka sorkar Meghalaya kumne ” Shaei jah ka sorkar Meghalaya ne ka Independent Enquiry jongka sorkar jylla ha kaba ka hap ban pyntip shaki?? Hato don eiei shalyndet halor kane???.
4. Ka jingong ba ka Khubor ba pait kane ka jaka buh jakhlia ka dei ka Khubor hamsaia ( Fake news) watla hadien ba ki Lad Pathai Khubor lem bad ka seng ngi la lah ban sei iaki jingshisha ka dei ka jingpyrshang ban kynnoh iangi ba ngi dei ki nong pynsaphriang iaki Khubor Hamsaia. Haba iadei bad kane ka seng ka kwah ban pynshai ba ngim ju Kren iaka hamsaia ki rngai hynrei ngi kwah ban wanrah bad pynpaw paitbah iaki jingshisha kumba ka long khnang ba u paitbah ka jylla un tip iaki jingshisha.
5. Ka sorkar ha ka jaka ba kan pynbeit ne maramot bad pynthikna wut wut ngi iohi pynban ba ka dei ka nongialam bakla ia u paitbah. Shaei ka bynta jongphi kum ki nongialam ne phi la kylla Ki agents jongno re jongno???
6. Ngi kwah ban buh jingkylli shaka sorkar ” Hato phi kwah ban don ka jingiam briew ne ka jingiapbriew ba shyrkhei ba phin Kren iaki jingshisha ?? ( Do you need a mass disaster to burn out all your lies). Hato phi kwah haduh ban poi sha ka jingjot ba shyrkhei ba phin Sangeh noh iaka kam thok kam shukor jongphi halor kane ka bynta ??? ( Do you need a mass disaster to stop you from spreading lies )
7. Kyntang iawai ka seng ka kwah ban kynthoh ba jingkam ba kam don ka jingpait ha kane ka jaka buh uranium ka dei ” Ka Jingthok jingshukor kaba palat iaki jingthok jingshukor baroh ” ( Biggest lie of all lies)

Kane ka dei ka kyrwoh na u samla Forwardman Nongrem, President, KSU South West Khasi Hills District