|
Bun bah ki shnong haki nongkyndong mynta, ngi shem ba ki kham pylleit jingmut kumno ban wanrah iaka Shnong ka thaw, khnang ba kan khring iaki Nongshangkai ban poi sha ki shnong jongki.Lyngba ki Social Media, kum ka Facebook, instagram, tweeter Bad kiwei kiwei, Ngi shem ba bun bah ki Shnong ha nongkyndong, ki don hala ka jong ka jong ka jingitynnad jongki. Kila don ki shnong kiba lah ban khring shibun iaki nongjngoh kai pyrthei ban leit jngoh iaka jingitynnad bad kiba don hala ka rukom jingiphylla haka shnong jongki.
Kalong kaei kaei kaba kordor shibun ba ki shnong Nongkyndong ki don ka bor ba phylla ban khring ia ka mynsiem kiba bun. Haba iatai ia katto katne kiei ki daw kiba khring iaki nongwankai? Khlempep ngin shem iaka jubab, ka long lyngba(1) ka jinglong jongka jaka,(2)Ka jingdon iaka jinglongtynrai katkum ka longbriew man briew haka jaidbynriew (3)Ka jinglah ban pynneh pynsah ia ka menbarim bajah (4)Ka jingdon iaki lum ki them ba ithiang, ki wah ki um ba khuid ba sngur 5.Bad kiwei kiwei pat ki ba bunjait ki rukom ba kata ka shnong ka don. Bad kaba kham khring shuh shuh iaki nongwei nongar ban sngewjuh sngewjan haki shnong nongkyndong kalong, ka rukom im bad pyniadei ki nongshongshnong haba wanpoi ki riewphylla ne ki nongshangkai pyrthei haki shnong jongki.Kane ka jingdon iaka mynsiem kaba pdiang sngewbha ne baki ong haka ktien nongwei “Hospitality “Ka dei kaba kongsan eh ba ki don ki shnong nongkyndong kiba kiew sted ban khring ia kiba bun.Ban shu kynthoh khyndiat, Ka long kabym lerkam ka jingitynnad, ka jingithiang ki shnong nongkyndong, lada ka mynsiem jongki trai shnong kam long kaba lah ban pdiang iaki nongwanjngohkai haka rukom kaba ki nongwankai kin ioh iaka jingsngewshngain bad sngewtynnad markylliang. To, shuh shuh haba iaphai biang sha ki jingitynnad ki shnong nongkyndong, ngi shem kaba paw hakhmat eh kadei naka Jingai jongka Mariang. Bunsien ngi shem ba Ki jingpynlong balabuh daka mariang, kadei ka bor kaba khlain ban tan bad khring iaki nongjngohkai ban poi sha ki shnong nongkyndong. Ha kum kane ka juk shai, ngi ju ong, ka jingstad u briew kam dei shuh kaba kai, lada ngi lah ban shang kylleng kylleng ngin iohi shibun ki jingtei nam kaba daka kti u briew ne kaba ki ong ka “man-made”Katno kan pynsngewhylla khamtam hakito ki bym ju iohi. Kine ki jingtei daki kti briew ne jingstad briew, hakito ki bala shem kyrhai, ka pynngiah noh iaki khmat jongki, khamtam kito kiba im haka jaka ba don kum Kita ki jingtei. Kumta ngi shem shibun ki nongjngohkai pyrthei, haba ki poi shaki nongkyndong, ki ju ai katto katne ka jingmut ba “Phi dei ban pynneh pynsah iaka ne ka jingai ka mariang, Phi dei ban kiar nakaba pynsniewdur daka jingtei kiba daka kti ne ka buit u briew”. Hynrei bunsien ngi shem ba kito ki shnong ha nongkyndong kiba la paw haka kam shangkai pyrthei,ki klet noh iakaei kaba pynlong iaka shnong jongki ban pawnam.Haka kyrteng ka development,ne ban nang pynbha shuh shut, ka la pyniwit bad kah lynti noh iaki jinglong tynrai kiba don ha kato ka shnong. Hynrei ngi shem pynban kiba Kum kitaki jingtei ki long pynban ki nongpynsniewdur iaka jingai ka mariang.Bad hadien shuh shuh, ngim ioh shuh wat iakito ki nongshangkai kiba ngi ju sngewtynnad ba kin wan jngoh iaka shnong kum hakito ki por ba dang sdang paw. > Bunsien ngi shem pynban, dakita ki tourist ne nongwan kai kiba thlia lai phewjait iaki nongpdiang sngewbha,kumba kata ka shnong nongkyndong ka dei pynban ka Dubai. bad ynda ki la leit phai noh, kin sa pynmih kiba bun ki jingkynthoh, ba kata ka jaka kamlong kaba iahap dur bad kaei kaba la pynbna. Kaei kaba don ban pynsngew hangne ka long ba, Ki rural tourism,kidei ban don ki “Plan” ne ” architecture” Ki bym pynsniewdur noh iaka jinglong shida ki shnong nongkyndong. Ka inter-dependent, ka dei ban don hapdeng ki shnong Nongkyndon Bad ki shnong sor Bad khapsor, Ngim lah ban ong, ba kito ki shnong nongkyndong, kin pdiang iabaroh ki nongwanjngohkai kiba ju sngewtynnad haki jingpynlong bala thaw daki kti briew, Bad kito kiba sngewtynnad haka jinglong ka mariang.Nuksa:Lada phi buh hakajuh ka kamra iaki arngut kiba iapher jingmut, kumno phi khmih lynti bakata ka kamra kan long??? Namarkata, ymlah ban pynhun lut iabaroh, hynrei ngin pdiang iakaei kaba ngi long kumba ngi ju long. Hoid, ym lah ban ong, ba ngin shu iehnoh kumto, iakito ki jaka kumba pynlong ka mariang, hynrei ngi hap hi ban peit, bad kata ka long tang naka bynta ka jingshhngain (Safety) Jong kita ki nongwanjngohkai,kumno ngin pynbha iaki hakata ka rukom ba kan ym pynsniewdur noh iaka jinglong ka Mariang. Kaba banjur ka long, Ki rural tourism kim dei ki Urban ne Metro-tourism sector! Kiba pdiang lut Bad khleh jaktung, kumba wanrah iaka sor Police bazar haki nongkyndong. N:B:- U Nongthoh u pdiang sngew lada don jingai jingmut, laka long hakaban kynthoh ne jingkyntu. Shri.Dap B. Syngkrem [email protected] Contact :8787892028 |
Phi don ban ong eiei?