“Ka kam ri dohkha kan pynkiew ia ka ioh ka kot jong ki nongrep”

Jowai, 29 Naitung:
Ka kam ri dohkha kadei kawei na ki kam kaba lah banpynkiew iaka ioh ka kot jong ki paid nongrep, ong ki Scientist jong kaIndian Council for Agriculture Research (ICAR), Umiam.
Kitei ki Scientist kiba kynthup ia u Dr. SK Das uba dei u Principal Scientist bad u Khlieh jong ka kam ri Dohkha hapoh ICAR, ka Scientist K Nath bad u A Das uba dei u Technical Officer ki la wan hiar ha kaneka sngi Balang sha ka shnong Mootyrshiah ban ioh iakren bad iaphylliew jing mut ki nongri Dohkha.
Nalor ka jingkren ban ai jinghikai ia ki nongrep, la peit bad bishar bniah ruh ia ka jinglong jong ka um ba la wanrah da ki nongri Dohkhana ki pung  bapher bapher.Ha ka jingjurip bniah, kitei  ki Scientist ki la lap ba ka um ha kipung dohkha ki dei ki bym bha than ban ri ia ki dohkha namar kajingbun jong ka Acid. Ki la ai jingmut ia ki nongrep ba ber da ka shunna ka bynta ban pynduna ia ka jingdon ka Acid.
Kitei ki Scientist ki la kyntu ruh ia ki paidbah ban pyrshang katbalah ban ri Dohkha katkum ka jingstad Saian ka juk mynta da kaba phahjurip ia ka um, ia ka khyndew bad ia ka jinglong jingman ka jakakhamtam eh ha kaba iadei bad ka jingshit bad jingkhriat.
Haba iakren bad ki paidbah nongrep bad kitei ki Scientists, na kaliang ki paid nongrep kila buh bun k jingkylli khamtam ha kaba iadeibad ki skim sorkar bad kiwei kiwei ki lad jingiarap.
U Dr Das u la ong ba ha ki thain rilum kum ka Meghalaya, ki pungdohkha ki shaniah um na u slap bad dei nakatta ka daw ba ki paidnongrep kim shym lalah ban pynmih bun ia ki dohkha nalor kiwei kiwei pat ki daw.
Ia katei ka Program la pynbeit da ka Meghalaya Parents Association forDisabled (MPAD) hapoh ka jingialam u President jong ka, u N Sengguptabad ka kong Bellbora Wankhar kaba dei ka Secretary ka MPAD. Laiadonglang ruh ki briew jong ka Fishery Department, WJH kynthup ia u ma B. Shylla uba dei u Field Demonstrator ka tnad.