Nongpoh:Ki nongialam ka Ri Bhoi Dorbar, ki la phah da ka dorkhas sha u Ma Vincent H. Pala, Member of Parliament ka Shillong Seat, na ka bynta ban pynsngew sha u ba u dei ban kren sha ki heh ka Air Authority of India (AAI), kata na ka bynta ban pynkylla noh ia ka kyrteng jong ka Kad Liengsuin ha Umroi na ka Shillong Airport sha ka Umroi Airport.
La sngewthuh ba nongrim kaba la pynlong ia kitei ki nongialam ka Ri Bhoi Dorbar, ba kin phah dorkhas sha u Ma Vincent H. Pala, ka la dei namar ba ki la sngew ba haba katei ka Kad Liengsuin ka don ha Umroi, kumno yn khot ia katei ka Kad Liengsuin kum ka Shillong Airport.
Ki da pyni nuksa ia ki Kad Liengsuin kiba don ha kiwei kiwei ki jaka, namar ia ka kyrteng jong ka Kad Liengsuin la ju tip beit na ka kyrteng jong ka jaka, hynrei kumba ka long mynta haba ka kad Liengsuin ka don ha Umroi, kumno pat yn khot ia ka kum ka Shillong Airport.
Kitei ki nongialam ka Ri Bhoi Dorbar, kiba kynthup ia u Bah RB Shadap, kum u President bad u Bah Sunlight Shadap, General Secretary, ki la buh ka jingkyrpad ym tang ia u MP, hynrei wat ia ki heh ka AAI ba ki dei ban pynkylla noh ia ka kyrteng na ka Shillong Airport sha ka Umroi Airport.
Te ia ka Borjhar airport ruh ki ong hi Guwahati airport namar ia ka Guwahati hi ki tip ba kadei ka nongbah jong ka Assam bad ia ka Shillong ki briew ba na bar ki tip hi ia ka kum ka nongbah jong ka Meghalaya, te ngin nai da ia sngew pher keiñ ia ita i jingkhot jong ki briew, namar katkum ki kot ki sla te nga shem hi ba ki ai Umroi airport ne kumno ne
Rah noh ia ka airport ha shillong pynduh noh kato ha umroi nga shu ai jingmut