Shillong: Ki 25 tylli ki kali Ambulance kiba la thied na ka Chief Minister Relief Fund (CMRF) ki la poi ha Shillong bad 25 tylli ki Ambulance thymmai, kiba la phah lyngba ka National Health Rural Mission (NHRM). Kine ki Ambulance ki don ha Shillong, la iathuh da u myntri ba dei peit ia ka tnad ka koit ka khia u bah Alexander L Hek.
Ka jingthied ia ki 25 tylli ki Ambulance na ka CMRF ban pyndon kam hapoh jong ka 108 bad ka jingioh ia ki 25 tylli ki Ambulance na ka NHRM baroh ki Ambulance thymmai ha ka jylla kila don baroh 50 tylli.
Kine ki kali Ambulance baroh la buh ha ophis jong ka 108 kaba don ha Lawmali. Na ka liang u Myntri rangbah Conrad K Sangma, u la ai khublei ia baroh kiba la nohsynniang ha ka CMRF kaba la lah ban thied ia kine ki 25 tylli ki kali Ambulance ban pyndon kam na ka bynta ka jingmyntoi jong ki paidbah.
Phi don ban ong eiei?