R.Nongrem
Haba ngi phai biang sha ka 21 tarik u Kyllalyngkot 1972, mynba ka Indira Gandhi ka la pynbna ia ngi kum ka jylla riewlum (hillstate) kaba pura, ngi ladei ban sngew sarong ia ka jingtrei shitom ki nong ialeh Hillstate ha kata ka por lehse lymda dei na ki ngin dang shong sah hapoh ka jingshynshar ka jylla Assam, hynrei hato kiba pan mo ia ka jylla ryngkat u pud uba bang?
Kaei kaba pynlong ia ki ban pan jylla katba klet pat ia u pud (boundary) u ban iada ia ki paid khappud khlem da lah ban len ba ki briew jong ngi hi ki kylla longknia ki jing jia ba sngewsih ki dang iai bteng haduh mynne mynta, hato ka sorkar Assam mynta ki la soi ia kata ka jingioh jylla ba pura jong ngi haba kila mynjur (consent) ban ai hato kila pyntikna ia u pud?
Ka jingbukha ka mih nangno? Lada khlem ka jingsoi kaba tikna kumno ngi ioh jylla ba pura? Kumba jia long naduh mynta ka sorkar Assam ka dang iai kyntur na ka por sha ka por haduh ba ki briew jong ngi ki la kylla long kum ki pukir khlem iing. Lada ka sorkar kam lah ban pyntikna (assure) ba ka langpih ka hap hapoh jylla Meghalaya. Kam donhok ban phah shondur thep vote ia ki namar lada pyndik ki bor Assam dei ki paidbah kiba kylla longknia.
Lada ka sorkar ka ong ba duna pulit balei pat lada jia jingeh wat tang iba rit ruh ha nongbah Shillong kala da kloi ban phah pulit hato kat man ka sorkar ba wan mih hapoh jylla la katno sien ba kila mih shakhmat ban iakren bad ki bor sorkar ka Assam ha kaba iadei bad u pud? Hynrei ki bor ba dei peit hapoh jylla jong ngi ki iai buhteng bad pynmih tang ha kot khubor, ngin ym ioh la ka jong ka jylla khlem ki jing iasoi kiba tikna, ka sorkar jylla ka dei ban phai biang sha u snem 1972 ban pyn tikna ia u pud ka jylla namar lada kan iai long sah kumne kan poi ka por ba ngin sa leit phai biang hapoh ka jingshynshar ka jylla Assam sa shisien.
Lehse ngin lah ban ong ba watla ki nong ialeh jylla riewlum (Hillstate) kila pynioh ia ka jylla ha ngi hynrei khlem u pud ngi la iohi ia ka jingbakla kajong ki, hynrei balei pat ki nong mihkhmat jong ngi kiba mynta kim leh ia kata lada ki longshwa kila ai ha ngi ka jylla watla u pud u duna ki nong mihkhmat ki dei ban leh ia kata ngi jied ia ki ba bynta ka jing myntoi jong ngi hi ki paidbah, hato ka sorkar ka la ju wanrah ia ka phang ban iatai halor u pud ka jylla hapoh iing dorbar thawain?
Sa ia jubab hi maphi!!!
Phi don ban ong eiei?